Reportagen : Florentina Bianco da Cruz
DILI— (Lifaupress ), Sekretariu Estadu Kooperativa (SECoop) selebra Loron Internasionál Kooperativa ba dala 103, partiska husi parseiru sira, movimentu kooperativa no konvidadus sira iha iha Salaun Katedral Dili, Sesta-feira (04/07/2025).
Durante entrevista ho jornalista sira ba Jornalista sira, iha Salaun Katedral Dili, Sesta-feira (04/07/2025) Sekretariu Estadu Kooperativa , Asernio Pereira da Silva hatete, Kooperativa ezuste ona mudialmente ba tinan 103. Desdee hari, kooperativa nasaun idaidak iha mundu hala’o movimentu kooperativa hodi tulun povu nia ekonomia.
Tinan ida-ne’e, ONU deklara nuudar tinan Internasional Kooperativa. Iha ambiente selebrasaun ne’e, nasaun ida-idak halo aktidade oioin.
” Ba selebrasaun tinan ne’e, Timor-leste organiza seminar nasional ida iha Dili, hamutuk ho parseiru sira no movimentu kooperativa sira,” Sekretariu Estadu dehan.
Atividade seluk mak promosaun Bafa Kayrala atu bele haboot nia produsaun iha futuru no atinji alvu komsumedor sira.
Kona-ba dezafiu, nia temi dezafiu ida mak SEKOOP sedauk iha edifisiu rasik no menus funsiunariu permanente. “ Maioria husi funsiunariu sira, maihusi kontratadu,” nia dehan.
Dezafiu seluk mak produtor sira kestiona ekipamentu, maibe SEKOOPS labele atende ho efikas tanba kada transferensia públika tenke tuir regras lei ba implementasun sira.
Iha parte seluk, nia informa, atualmente kontinua halo diskusaun ho movimentu kooperativa no parseiru sira kona-ba loron nasional Kooperativa.
“ Ita bele deside loron ruma, ha’u bele ba aprezenta iha Konsellu Ministeriu, nuudar rekezitu ida ba Estadu. Nune’e iha futuru bele sai loron nasional kooperativa,” nia dehan tan.
Atualmente SECOOP rejista movimentu kooperativa primaria 255. Membru kooperativa kompostu hamutuk rihun 40 iha teritoriu laran. (*)
