Reportagen: Osterlia Muni
DILI – (lifaupress) : Institutu Defeza Nasional (IDN), atualmente prepaa aan atu transform aba Institutu Superior Defeza Nasional (ISDN), hodi prepara didi’ak futuru lider sira.
Ministru Defeza (MD), Pedro Klamar Fuik ba jornalista sira iha Palásiu Governu Dili, Tersa – feira (24/06/2025) esplika, kuadru juridiku ba transformasaun IDN ba ISDN preparadu ona ha Konsellu Ministru hodi diskuti no fo desizaun.
“ Ami – nia prosesu transformasaun ba iha ISDN la’o hotu ona. Hein de’it Konsellu Ministru tau ba ajenda hodi diskute no i hetan nia rezolusaun,” Ministru Defeza dehan ida tan iha ambiente Tomada Pose ba estrutura IDN iha Palásiu Governu Dili, Tersa-feira (24/06).
Nia dehan, bainhira kuadru juridiku ba estabelesimentu ISDN aprona ona husi Konsellu Ministru, ekipa ne’ebe simu ona pose ne’e sei reforsa IDN atu prepara transformasaun IDN ba Institutu Superiór Defeza Nasionál (ISDN).
Governante ne’e mos dehan, IDN mos prepara ona rekursu uumanu no infraestrutura. “ Transformasaun IDN ba ISDN rekere kampus ne’ebé boot no foun, atu fo formasaun di’ak ba futuru lideransa iha nivel hotu-hotu, tantu nivel Polisial no mos ba nivel militár inklui sivil,” Ministru Pedro Klamar Fuik hateten.
Nia mos esplika, IDN iha rekursu nesesariu atu sustenta sikulu lideransa iha Timor-leste. “ Wainhira laiha sikulu lideransa definidu no prepara di’akliu husi IDN, ita bele iha difikuldade ba lider ne’ebe adekuadu ba ita – nia rain no fo kontinuasaun ba ita-nia rain nia futuru.
Futuru Institutu Superiór Defeza Nasionál, signika bele implementa ona Ensinu Superiór ida mak bele kualifika akademika no formasaun siensia militár ba militár sira, Polísia Nasionál Timor-Leste nomos ba Sivil.
Diretor Interinu Institutu Defeza Nasionál (IDN), Nuno Corvelo Sarmento, empozadu nudar Diretór Ezekutivu hateten “ “Ha’u-nia misaun importante mak dezenvolve koordenasaun ho Ministeriu Defeza atu garante IDN lao ba oin. Ha’u – nia esforsu mak atu implementa programa sira ne’ebe IDN alkansa to ohin loron, ” NunoCorvelo hateten.
“IDN forma ona ema barak ne’ebe namkari la’os iha Institusaun F-FDTL no PNTL deit, maibe ba sivil,” nia dehan.
Diretor Jeràl Jestaun no Rekursu, Josefa Dos Reis, agradese ba buat hotu. “ IDN enfrenta difikuldade no obstakulu barak, maibé ho ema hotu nia suporta, IDN sei sai mahon ba ema hotu,” Josefa dos Reis hateten.
Nia mos agradesimentu ba Ministeriu Defeza nia konfiansa tomak. “La taka dalan wainhira iha servisu lorloron mak ha’u – nia performe la tuir Ministru Defeza nia espetativa, mak hau husu atu salva IDN, la’os salva Diretóra Gestaun no Rekursu IDN. (*)
