Reportagen : Osterlia Muni
DILI – (lifaupress): Portavoz Profesor, Agustinho Pinto hateten, Ekipa juri elimina eis professores na’in 38 iha teste espesial ho diploma lisensiatura, tanba kandidatu sira mai mos husi publiku hamutuk 107.
“Iha evidensia, iha teste espesial ne’e balun partisipa tiha ona iha teste Jeral. Sira ne’e maihusi ema publiku. Ne’e la tuir promesa, no akordus ho Sekretario Estadu katak teste ne’e espesial ba Profesor sira,” Agustinho Pinto ko’alia ba jornaisyia sira durante Konferensia imprensa iha Jardim 5 de Maio Dili, Kuarta- feira (18/06/2025).
“Atu klarifika ba ligadu ho teste especial nian. Ami hare katak teste espesial, la rezolve Professor, Tanba iha 11 Junu 2025, ami husu atu suspende teste espesial, maibé infelizmente teste espesial ne’e Sira uza forsa obriga kontinua realiza,” nia dehan .
Tuir Porta voz, Agustinho Pinto, razaun husu Ministeriu Edukasaun suspende teste espesial, tanba la konsidera estatutu professor sira nu’udar ajente Ministeriu edukasaun. “ Komisaun Funsaun Publika igonara tiha ami nia atividade servisu, “ Portavoz Agustinho pinto dehan.
Alemde ne’e, Ministerio Edukasaun la konsidera no ignora rekomendasaun husi PDHJ, katak, tenke tau propriedade ba Profesor sira. “ Ami husu Ministeriu Eukasaun, atu resolve problema profesor sira,” nia dehan tan.
” Iha Lei Funsaun Publiku, regula kona – ba atu hapara Funsionariu ka ajente ida, tenke liuhusi Komisaun Funsaun Publiku (KFP). Ami-nia luta la’os bolsu kandidata, nmaibe luta ho estatutu ajente. Ami legal ka ilegal, ami sei la’o nafatin hodi Ministeriu Edukasaun rezolve frazeadamente,” nia hateten.
Profesor sira ne’e mos husu Prezidenti Komisaun Funsaun Publiku atu klarifika professor sira ho estatu ajente desde tinan 2013 ne’e, legal ka ilegal. (*)
