Reportagen : Jacinta Mendes Gonçalves/Elizaria Noronha
DILI (Lifaupress) : Hearts Fund Timor leste fo apoiu ba tratamentu moras fuan iha Timor – leste, hodi ajuda oasiente sira.
KONFERENSIA IMPRENSA : CEO Hearts Fund Timor – Leste, Jine Willians, halo conferencia imprensa hafoin hasoru Malu ho Prezidenti República, José Ramos Horta Tersa feira (08/04/2025) iha Palasiu Presidencial Dili. Foto LP/yntha
Asuntu ne’e fo-sae husi husi ho CEO Hearts Fund Timor – Leste, Jine Willians, Tersa feira (08/04/2025) hafoin enkontru ho Prezidenti Republika, Jose Ramos Horta iha palásiuprezidensial, Dili.
“Ha’u kontente tebes hasoru malu ho Prezidente Repúblika, hamutuk ho Doutor Herculano Seixas dos Santos, nuudar Xefe Departamentu Unidade Kadeologia, hodi ko’alia kona-ba serbisu Hearts Fund Timor leste, parseiria ho Ospital Nasional Guido Valadares no Ministériu,” Saúde, “ nia dehan.
Nia mos esplika, parseria ne’e fokuliu ba areia sira ne’ebe permanente, hanesan edukasaun.”Iha semana ida ne’e mós, sei halo workshop ruma atu ko’alia kona-ba saúde di’ak ka kredivel ba Timor,” nia dehan tan.
Durante ne’e, Timor – leste Hearts Fund nu’udar parseiru ida ne’ebe fo apoiu maka’as ba programa moras fuan, tensaun, prevensaun no halo tratamentu sedu ba timoroan sira ne’ebe hetan moras fuan, liuhusi operasaun ne’ebe sei halo iha Austrália.
“Ba ema sira ne’ebe detetadu moras fuan, bele refere ba Austrália . Hearts Timor Hearts Fund fo apoiu ba sira – nia tratamentu.”Iha ne’eba balun konsege halo tratamentu invansivu no sira balun halo operasaun fuan, liuliu sira ho problema remotirmu fuan, mós problema canteabonica ba sira – ne’ebe moras mai ho fuan,” nia esplika tan.
Desde tinan kotuk to’o 2025, Timor Hearts Fund loke tan espasu atu fo apoiu ba formasaun rekursu umanu. Nune’e, Timor Hearts Fund finaliza planu dezenvolvimentu rekursu umanu iha areia dekalojia, liuliu formasaun espesialidade ba kadeologia sira no treinamentu kontinuada ba enfermeiru sira, ne’ebe serbisu iha areia dekalogia.
Timor Hearts Fund mós fo apoiu ba ekipamentu balun. fo formasaun, makina, geografia,makina programador ba marka pasu nian no makina sira seluk.
“ Itá espera katak ho apoiu sira husi Timor leste Hearts Fund, kontinua presta serbisu diakliutan ba ita – nia populasaun sira,” CEO Hearts Fund Timor – Leste, Jine Willians.
Relasiona ho planu Hearts Fund Timor – Leste, Prezidente Republika fo apoiu tomak no manifesta komprimisiu atu kontinua hala’o programa ne’e iha futuru. (*).
