Reportagen : Osterlia Muni
DILI- (Lifaupress): Governu Australia Aloka fundu AUSD $ 150.000 ba tinan 2025, hodi ajuda dezenvolvimentu iha Timor-leste.
Vise Ambaixador Australia, Edward Wilkinson hateten ida-ne’e, Kinta -feira (10/04/2025), iha salaun ANM city 8, Dili.
“Tanba Governu Timor – Leste mos presiza tau fundus. Ida – ne’e la’os kontratu, maibe akordu kolaborasaun ho durasaun nakloke kualker parte rua – Governu Australia ho Governu Timor – Leste sei mantein akordu ida – ne’e,” Vise Ambaixador Australia, Edward Wilkinson esplika ba jornalista sira iha Dili, Kinta-feira (10/04/2025).
Edward Wilkinson hatutan, Governu Australia ho Governu Timor – Leste orgullo tebes, atu serbisu hamutuk ho indústria ida – ne’e. “ Ami hein katak, ami bele serbisu hamutuk hodi asegura indústria ho maneira foun, ne’ebe fo benefisiu serbisu ba povu Timor – Leste,” nia reafirma.
Kolaborasaun ida – ne’e, tuir Australia, sei lori benefisiu ba tekniku sira hotu, atu hametin amizade entre Timor – Leste ho Australia.
Prezidenti Autoridade Nasional Dos Minerais (ANM) I.P, Rafael Danilson Magno de Araujo hateten, akordu entre Governu Australia ho Governu Timor Leste ne’e importante tebes ba iha setor mineiru
Liuhusi setor mineru ne’e, estabelese ekipa servisu sekretariadu, kompostu husi Governu Australia no ekipa Timor-Leste. Ekipa teknika sira mak sei jere kualker programa ne’ebe nasaun rua aseita ona. (*)
