Reportajen Celcia Magno
VENILALE (Lifaupress) : Grupu Tebedai Husi Postu Administrativu Baguia, sai manan nain primeiru lugar Kompetisaun Dansa Kultura nivel Munisipiu Baucau, Sexta-feira (19/04/2024) tuku 5 loraik OTLiha salaun Centru Convencao Baucau.
Kompetisaun ne’ebe realiza hodi komemora Aniversariu munisipiu Baucau ba Dala 165, partisipa husi grupu 7 ne’e, Grupu Tebedai Husi Postu Administrativu Baguia konsege halibur valor aasliu husi juri, ho total valor 1,520.
Iha kompetisaun ne’e, grupu Tebedai postu Baguia ne’ebe kompostu husi feto na’in 13 hatudu kultura ne’e ho simbolu Laukai terbebe, uza atributu tais feto makasae Baguia , manu fulun tau iha ulun, babadok no hena mean .
Maske membru grupu Baguia mesak labarik ho idade entre 12 to’o 14, hatudu performadu animadu tebes, hatudu identidade dansa Tebedai ho furak.
Dansa kultura ne’e organiza husi Komisaun munisipiu Baucau ,atu hatudu Baucau nia riku kultura ba jerasaun foun no povu tomak, kona-ba kultura hatais, Dahur no Tebedai.
Antes Fo anunsia valor ba Kompetisaun Dansa Kultura, reprezentante Juri Nasional Tais Kultura, Eugenio Sarmento reafirma, “ Rai idaidak presiza nafatin hatudu identidade ba jerasaun foun sira tuir IdaIdak nia kultura, nune prezerva nafatin husi jerasaun ba jerasaun iha moris lorloron.”
Eugenio Sarmento mos husu ba grupu competitor sira la manan iha eventu ne’e, atu kontinua esforsu aan.Nune’e ba oin bele sai diakliu tan. Ba sira ne’ebe Manan, agradese tanba hatudu Dansa Kultura Tebedai Ho Diak.
Xefe Treinador Grupu Postu Baguia, Adelia Guterres Ximenes apresia no agradese tanba grupu bele saimanan nain iha nivel munispial. Iha tinan 2023, Grupu Postu Baguia ba kompetisaun hanesan hetan segundu lugar .
Rezultadu tinan 2024:
1° lugar ba Grupu Postu Baguia ho valor 1,520
2° lugar ba Grupu Postu Venilale ho valor 1,505 GC
3°lugar ba grupu Postu Baucau Vila ho Valor 1,500
