Reportajen : Celcia Magno
VENILAE ( lifaupress) : Grupu Dansa Kultura hamutuk 7 partisipa kompetisaun Dansa Kultura iha Sentru Konvencao Baucau , Sexta Feira (19/04/2024) tuku 5 loraik OTL Kompetisaun ne’e hodi selebra aniversariu munisipiu Baucau ba Dala 165.
Grupu Dansa kultura ne’ebe husi postu Administrativu 6, hatudu sira- nia identidade kultura rasik Liuhusi Tebedai ,Dahur no dansa kultura Kada perfoma Dansa kultura uza durasaun minutu 15 deit.
Postu Administrativu partisipa kompetisaun nee mak Postu Administrativu Baguia, Venilale , Baucau Vila ,Vemase. Postu Administrativu ne’ebe la tuir kompetisaun ne’e mak Kelika no Laga tanba Klima ladun di’ak.
Objetivu kompetisaun dansa kultura atu hatudu identidade husi Ida Idak nia Postu, no habelar ba jerasaun foun sira atu banati tuir iha futuru.
Iha kompetisuan ne’e, evalua husi juri na’in tolu, kompostu husi juri nasional na’in rua mak
Eugenio Sarmento no Carlos De Jesus Freitas. Entretantu juri husi Baucau mak Avelino Correia.
Partisipa no asisti direta eventu kompetisuan Dansa Kultura ne’e, Autoridade lokal , no populasaun Kuaze atus Da resin. (*)
