Reportajen : Celcia Magno
VENILALE (lifaupress) : Prezidente Komisaun Organizadora, Jose Freitas Boavida ho funsionariu Postu Venilale, hala’o limpeza jeral hale’u edifisiu no areadores oin, atu prepara ba loron Restaurasaun Independencia ne’ebe sei monu iha 20 Maiu 2024.
Objetivu husi limpeza jeral ne’e atu prepara ba loron restaurasaun Independencia nune bele ichar bandeira iha fatin Kampu Eskola Pre-eskolar Central nia oin//
Prezidente Komisaun Organizadora, Jose Freitas Boavida ba jornalista online www.lifaupress.com, Kinta – feira 09/05/2024 iha edifisiu Postu Administrativu Venilale tuku 08.00 dader OTL informa, limpeza jeral ne’e sei kontinua haleu Venilale. Alende limpeza, atividade seluk mak prepara marcha, desportu voleibol, basketball no futebol .
Entretantu, funsionariu Postu Administrativu Venilale, Adelino hateten liuhusi limpeza jeral hale’u edifisiu ne’e importante, atu kria ambiente moos, furak iha matan no furak ba sidade Venilale, liuliu simu selebrasaun aniversariu Restaurasaun Independensia bad ala 22 tinan ne’e. (*)
