Reportajen : Celcia Magno
VENILALE (lifaupress): Familia husi Feto-San Bahaeu hapara konstrusaun uma ho medida 4 x 4 metru, husi Familia Uma-mane Kaileki. Kazu ne’e, loke dalan atu hatama keixa ba Ministerium Publiku.
Tuir kronologia, familia uma-mane Kaileki konstrui hela uma ho medida 4*4 iha area Tulo-Eli, Aldeia Uatu-Asa, suku Uatu-haco, Postu Administrativu Venilale, munisipiu Baucau. Maibe, bainhira fui fundasi to’o klaran, familia Feto-san Bahaeu uza sasan kroat ameasa.
Haree ba asaun amesa ne’e, familia uma-mane Kaileki la satisfaz, no hato’o keixa ba autoridade Aldeia no suku, maibe la hetan solusaun.
Maibe, familia rua ne’e kontinua buka dalan resolve desputada rai ne’e, Kuarta Feira (6/5/2024) tuku 10.00 dader iha Postu Administrativu Venilale. Maske nune’e, la hetan nafatin solusaun, tanba familia rua aprezenta hotu direitu hanesan ba rai ne’e. Nune’e, solusaun ba kazu rai ne’e, dalan nakloke atu hatama keixa iha Ministeriu Publiku.
Januario Ximenes, nuudar Uma-mane Kaileki hateten, “Rai ne’e ha’u – nia inan – aman nia iha tempu Portugues kedas. Nune’e fo hela ba ami oan mane sira, mak iha direitu atu hela,. “ Maibe, ikus mai sira hadau hotu, katak sira – nia rai no ha’u labele halo uma iha rai ne’e,” Januario Ximenes hateten.
REZOLVE DISPUTA RAI: Faimilia neene involve disputa rai, partisipaprosesu rezolve disputadu rai iha autoridade Postu Administrativu Venilale, Baucau, Foto Lp/Celcia
Entretantu, Januario Guterres sublinha, bainhira kuda ai-horis sira iha rai Tulo eli ne’e, kuda uluk kedas to’o agora, no la iha impedimentu. Ai sira-ne’e kompostu husi ai Kami, Saburaka, Jambua, Derok no seluk tan. “ Agora ami atu halo uma iha rai ne’e, ikus impede. Hakarak atu rezolve familia hodi halo juramentu ba rai,” nia dehan tan.
Maibe, Helder Guterres nudar Feto-san Bahaeu, hatan, “ Kazu ne’e levanta ba ministeriu publiku Baucau, hodi foti solusaun. Tanba rai ne’e direitu husi ami – nia Avo Feto uluk, laos ba Uma-mane Kaileki. Sira bele halo uma hela nian, maibe ami mak iha direitu ba rai ne’e .
Entretantu Administrador Postu Administrativu Venilale, Jose Freitas Boavida hateten, buat hotu fila ba familia rua. “ Se hakarak levanta ba oin, presiza prepara aan, hodi ba hato’o iha Ministeriu Publiku. Tanba familia rua ne’e hakarak hotu iha direitu ba rai ne’e,” Administrador Jose Freitas Boavida hateten.
ENtretantu, Polisia OPS Suku Uatu-haco, Moises Sarmento rekunhese, prosesu rezolve kazu disputa rai ne’e la iha solusaun. Nune’e. Familia husi Feto-San Bahaeu hakarak levanta kazu ne’e ba oin, tuir lei.
Partisipa iha prosesu rexolve kazu disputa rai ne’e, Sesante Lia Nain Uatu-haco, Sesante Sdministrador Postu Administrativu Venilale, Funsionariu Postu Administrativu Venilale husi area Sosial no komunidade husi familia rua nian. (*)
