Reportajen : Florentina Bianco da Cruz
DILI (lifaupress) : Fundador Colegio São Minguel Arcanjo.Televizaun Edukasaun Timor (TVE-T), Armindo C. Caetano sente triste, tanba lakon ona Ezequel das Neves, Xefi Redasaun TVE-T, ne’ebe hakotu iis iha loron 22 Janeiru 2026 liuba.
Ba jornalista sira iha Colegio São Miguel Arcanjo, Sesta feira (23/1/2026) bainhira simu mate isin Ezequel das Nives, hateten, matebian nuudar ema foin-sa’e ida ne’ebe potensia, kualidade aas, dedika nia aan tomak ba dezenvolvimentu edukasaun iha Colegio São Minguel no TVE-T durante ne’e.
Matebian remata nia nives edukasaun Sekundária iha Colegio ne’e no kontinua involve iha jornalizmu, dedika nia aan ba estabelesimentu TVE-T, no dezenvolvimentu edukasaun iha Colegio ne’e.
“ Nia hamutuk ho ha’u aprende to’o remata, kontinua nia estudu iha Universidade da Paz no fila-fali mai dedika nia aan tomak to’o nia hakotu iis. Ami sente triste, ami sente lakon iha ema ida kualidade, pontensial fo nia vida tomak dedikasaun tomak ba foin-sa’e sira iha Colegio São Miguel, ” nia dehan.
Ezequel da Neves ne’ebe estimadu ho naran bolu Jacky, husik hela nia obra no foin-sa’e barak iha Colegio São Miguel no barak mak dedika aan on iha instuisaun Midia sira iha Timor-leste, kompostu husi Timor Post, RTTL, GMN Media Group, Independenti Group, Tatopli no fatin seluk tan.
Fundador ne’e epresa nia difikuldade atu hetan fali figura hanesan matebian ba pozisaun Xefe Redasaun. “Atu sai Xefe Redasaun hanesan Ezequel, sei lori tempu. Tanba atu forma ema la fasil,” Armindo dehan tan.
Ba futuru, foin-sa’e sira tenke aprende husi Jeky nia modelu moris. “ Saida mak nia halo, nia husik hela iha Colegio ida – ne’e no Redasaun TVE. Foin sa’e sira bele aprende husi nia legadu ne’ebé nia rai hela. Ita bele refleta ba ida-idak nia moris,” nia dehan tan.
Iha parte seluk, Vitor da Costa Alves, hanesan hanesan kolega di’ak ba matebian Ezequiel da Neves, espresa mos sentiment triste kle’an. “Sentimentu ida ne’ebé tristi tebes. Lakon ema pontensial ida, ne’ebe ami sempre sadere ba, hanesan maun, ema ida fuan boot, domin na’in tebes tebes, simu ema nia frakeza sira, koresaun oioin ami dukung malu,” Victor dehan.
Matebian, tuir host programa Debate TVE-T ne’e, sempre komunga prinsiupiu servisu ida nunka kolen. “ Durante fulan haat nia la ativu, ami tenta atu husu nia kondisaun. Infelismente la hatete. Ikus rona ida – ne’e, talaves Maromak nia domin bootliu ita ema nia di’ak. Ba maun Ezequel hanesan ami –nia ekipa tomak, sura … sura … labele,” nia dehan ho matawen nakonu.
Nia rekuñese Jacky rai hela mensajen barak iha ekipa TVE-T nia leet. ” Mesagen barak tebes. Memoria emprese an, motivasaun nia sempre korajen ita aprende avansa ba oin no iha ne’ebé mak fatin públiku, hatan kaer nafatin prinsipiu aprende servi ho domin no honestidade,” nia hatutan. (*)
