Reportajen : Celcia Magno
Venilale (lifaupress) : Karik imi sei hanoin hela, notisia ne’ebe publika iha media online ne’e, semana hirakliuba kona-ba pasiente isin-rua ida ho naran Anastasia De Almeida, foin-sa’e, bainhira kareta Ambulansia tula ba Sentru Saude, Venilale, Baucau, hetan dezastre iha mota Buihulu Uai-Oli, loron 27 Marsu 2024?
MORIS : Inan – aman husi Bebe Joao foto hamutuk iha Spiral Regional Baucau, hafoin loron hirak Moris mai mundu. Foto Doc familia
Momentu ne’eba, mota boot tanba udan boot iha foho. Ambulansia esforsu tama mota atu hakat mota sorin, maibe la konsege susesu tanba bee boot, hakat la diak.
Bainhira pasiente hetan salva husi komunidade no tula tia ba Sentru Saude Venilale, tuir mai kontinua Ospital Baucau, Ina nisin rua konsege partus normal, oan mane ida.
Atualmemte, Bebe oan ne’ebe hanaran Joao Baptista Lemos de Almeida Borges, halo ona fulan ida loron 2 ho kondisaun saude di’ak. Hafoin Partus Normal husi inan
Hanesan publika tia ona iha Fulan Marsu 27/03/2024, akontese Mota Lori Ambulancia iha mota Buihulu Uai-Oli bainhira tula hela Anastasia De Almeida, nuudar pasiente gravida atu ba Sentru Saude Venilale. Husi Sentru saude ne’e, mediku sira refere pasienti ba Hospital Regional Baucau.
Ikus Bebe ne’e moris iha Hospital Regional Eduardo Ximenes Baucau iha loron 27/03/2024. Inan-aman husi bebe ne’e, Anastasia de Almeida no Jerico Borges agradese tebes ba Maromak no senti haksolok ho bebe-na prezensa iha mundu rai klaran.
Hafoin tratamentu iha Ospital Regional ne’e, media sira autoriza sira bele anta ona. Durante iha uma, Inan-aman desidi atu kontinua kontrola Bebe nia saube. Nune’e, halo konsulta ba Klinika Postu Saude Kaulita Uai oli dala ida no programa Sisca dala ida iha Uatu-Misa.
Bebe-nia inan, Anastasia de Almeida ba jornalista online www.lifauress.com hateten, ” Bebe ho kondisaun diak. Durante ne’e iha uma, la hetan moras. Tanba kontrola nafatin husi Sentru Saude. Ha’u-nia kondisaun saude mos diak no sei kotninua fo susu-been to’o tinan.”
Tuir planu, tempu badak sei muda ba parseiru-nia hela fatin iha Aldeia Uai-lia, Suku Uabubu, Postu Administrativu Ossu, Munisipiu Viqueque. Durante ne’e, inan – aman husi Anastasia de Almeida kuidadu di’ak tebes kosokoan ne’e.
Jose Vitor Guterres. Avo husi kosok oan sente kontente tebes, tanba hetan Bei oan ho kondisaun diak no haburas tan jerasaun iha sira – nia aamilia. (*)
