Reportajen: Natalia De Jesus
DILI ( lifaupress): Formasaun Jornalizmu, espsial kona-ba Story Telling , ne’ebe organiza husi Konsellu Imprensa (KI), servisu hamutuk ho ABC International Development (ABC-ID), durante loron rua (25 -24 Jumho 2024), hetan apresiasaun pozitivu husi formandu sira.
“ Ami aprende no agradese tebes ba Konsellu Imprensa Timor-leste, ne’ebe kolobora hamutuk ho ABC, realiza formasaun espesial ida-ne’e. Durante formasaun loron rua, ami aprende kona-ba oinsa forma estrutura hanoin,” Rilijanto Viana, jornalista online Diligentehato’o ida-ne’e ba jornalista www.lifaupress.com, Kuarta (26/6/2024) iha Dili.
Liuhusi formasaun ne’e, formador sira tulun jornalista sira hasa’e kapasidade no abilidade hato’o historia sira ne’ebe mak interesante ne’ebe hamosu sosidariedade husi ema barak ba sira ne’ebe durante la iha lian liuhusi meius komunikasaun social.
“ Ida – ne’e enkoraza ami, hasa’e ami-nia kapasidade, atu hatene maneira ho dalan atu aprosima fontes sira hodi ko’alia sai sira-nia problema,” nia dehan tan.
Formandu sira mos rekunhese materia sira ne’ebe hetan durante formasaun, util tebes ba atividade jornalistika lorloron.
Formasaun ne’emos hakbit jornalista sira-nia fiar an no hatene responsabilidade nuudar jornalista, hodi tulun ema kbiit laek sira, ne’ebe durante ne’e la hato’o sira-nia opiniaun ba publiku.
“ Ita tenki fo espasu barak ba ema funeravel sira, ferik – katuas sira ou ba feto no labarik no ki’ik oan sira, atu koalia sai sira-nia hakarak no esperanasa,” nia dehan tan.
Antes ne’e, iha serimonia abertura formasaun, Prezidenti Konsellu Imprensa, Otelio Ote agradese ba kooperasaun ho ABD ID, tanba fasilita ona formasaun tekniku profisional ba jornalista sira.
Espera, formandu sira iha dixiplina no partisipa didiak formasaun ne’e, nune’e bele sai ‘manorin’ fali ba membru sala redasaun hotu. “ Formasaun saida deit, ne’ebe KI fasilita ka organizasaun sira seluk mak fasilita, nuudar jornalista presiza partisipa. Tanba formasaun jornalizmu ne’e la iha limitasaun tempu,” Otelio dehan. (*)
