Reportagen: Maria Feno Colo
DILI (Lifaupress) : Sekretariu Estadu Formasaun Profesional no Empregu (SEFOPE) liu husi Diresaun Nasional Empregu no Estranjeiru (DNEE) asina deklarasaun ho traballador Timor oan hamutuk ema na’in 36 atu ba servisu iha Sul Korea.
Diretór Nasional Empregu no Estranjeiru, Joao Correia Pereira hateten, Traballador Timor oan sira balun reintry ne’e ba mai ona no kustume governu sempre halo asina deklarasaun ho familia no traballador sira bainhira atu ba servisu iha Korea Sul.
“Ita asina deklarasaun ho traballador timoroan hamutuk ema na’in sei ba servisu iha Australia karik aban ka bainrua sira sei arakan ba ona tanbá viza ho bilete mai tiha ona,” Diretor Joao Correia Pereira dehan ba Jornalista sira iha salaun Timor Lodge, Comoro, Diloi, Quinta – Feira (26-06-2024).
Traballador Timoroan reintry na’in 13, maioria ka na’in 12 iha area peska, no fabrika na’in ida. Hahú fulan Janeiru to’o Junu 2024, timoroan na’in 6,376 ba servisu tia ona iha Korea Sul.
“Empregador sir aba hotu ona. Ita fiar katak ita – nia feto sira, mos hetan oportunidade.Maibé la signifika ami update hela profil ba sira ne’ebe koalia hela deit, balun dehan iha tinan 2016 to’o 2017 balun seidauk ba,” nia dehan tan.
Nia dehan, kestaun foti no la foti, la’os ita ona. Tanbá, ema barak mak komprende prosesu ne’e. Nune’e grasa a Deus SEPFOPE servisu maka’as loro-loron update ema nia profil to’o kuaze 6,376.
Iha fatin hanesan Diretór Jeral SEFOPE, Carlito Rosario Cabral hateten, traballador timoroan na’in 36, kompostu reintry na’in 13 no foun ema 23 kompostu feto ida, selesionadu atu sai traballador iha ema nia rai no la’os iha Timor. No molok traballador timoroan hirak ne’e, atu ba servisu iha Sul Korea liu husi prosesu naruk.
Nia esplika tan, iha ema balun teste desde tinan 2017, to’o agora balun seidauk ba dala ida.Traballador timoroan balun, dala rua to’o tolu, bolu reintry. Ne’e hatudu katak atitude komportamentu trabalhador iha servisu fatin ne’eba ho empregador diak tebes.
“ Tanbá ne’e balun iha kotuk antrian hela, tanbá ne’e bainhira sortir no hetan empregador ne’ebé diak, konsidera nafatin ba ita boot sira hodi bolu dala rua no balun to’o dala lima,” nia esplika.
Diretor ne’e mos dehan tan, trabalhador iha Korea Sul, la’os timoroan de’it, maibe maihusi nasaun barak. “ Bainhira bolu empregador ida to’o dala lima, signifika timoroan di’ak liu nasaun sira seluk,” nia esplika. (*)
