Reportajen: Selestinho Mani Falo
DILI (Lifaupress) Finalista na’in 521 Fakukdade Edukasaun Arte Humanidade (FEAH), Universidade Nasiinal Timor Lorosa’e (UNTL), Kuarta (29/05/2024), simu Judisium.
Husi numeru 521 ne’ebe simu judisium iha Salaun Rudal 7984 (OKA), Hudi-laran, Bairopite, Dili, kompostu husi feto na’in 302 no mane na’in 220.
Finalista na’in 521 maihusi Departamentu 10 kompostu husi Departementu Lingua Inglesa na’in 95 (feto 55, mane 40), Biolojia na’in 29 (feto 23, mane 6), Matemátika na’in 68 (feto 37, mane 31), Kimika na’in 63 (feto 38, mane 25), Fisika na’in 64 feto na’in 26 mane na’in 38, Lingua Portuguesa na’in 41 (feto 23, mane 18), Formasaun Profesores Ensinu Basiku na’in 72 (feto na’in 51 mane na’in 21), Desportu na’in 24 (feto na’in 7, mane 17), Lingua Tetun na’in 53 (feto 32, mane 21) no Formasaun Professor pre-Eskolár na’in 12 kompostu hisi feto na’in 10 no mane na’in 2.
Husi finalista sira-ne’e, klasifikasaun exelente na’in 5, Muito Bom na’in 115, Bom na’in 377 no Sufisiente na’in 24.
” Ha’u reprezenta Fakuldade Edukasaun Arte Humanidade, hato’o parabens ba sussesu estudante na’in 521, ne’ebe avansa atribui ba grau akademiku lisensiaturaI, L,ed no Basarlatu E,ed. Ami entrega fila-fali estudante sira ba ida-idak nia inan – aman, la’os ho mamuk maibe ho sinal,” Dekanu Fakuldade Edukasaun, Teodoro Soares hateten ida-ne’e liuhusi nia diskursu iha Salaun Rudal 7984 (OKA) Hudi-laran, Dili.
Nia haktuir, judisium nuudar tradisaun akadémika liuliu iha fakuldade, hodi valoriza no mós nuudar serimónia despedida entre profesór ho estudante finalista sira.
“Husu ba finalista sira atu kontinua nafatin estudu ba kursu mestradu no doutoramentu, Tanba Timor-Leste presiza rekursu umanu kualifikadu,” tenik Dekanu Soares.
Enkuantu reprezentante Reitor, Afonso de Almedia iha diskursu hateten,nuudar joven koñesimentu mak muda destinu no vizaun mak defini moris no misaun mak determina nivel.
“Bainhira ita – nia tempu ne’e la’o, komesa komprende katak maneira ema ida haree mundu nee, determinate nia dezenvolvimentu individual ho profisional no iha momentu ita kontente, tanba husik ona universidade atu tama ba faze seluk. Ita iha ona fatin ne’ebe a’as, buat hotu ita haree diak no dalaruma ita la konsidera ema sira ne’ebe iha ita-nia sorin-sorin. Maibe ohin- loron, ita influenta konkorente internasional ida neebe forte. Tanba ne’e importante mak tenke iha visaun globalizadu. Ho ida – ne’e mak ita estuda bebeik, la’os ba lisensiatura maibe ba mastradu no dutoramentu,” nia dehan tan.
Nia hateten, UNTL enkoraja nafatin Fakukdade Edukasaun ba dosente, funsionariu sira hotu no finalista sira atu partila nafatin koñesimentu ba paizes no lokal ba atividade edukasaun, hodi atu dezenvolve Timor-leste ba futuru.
Partisipa iha serimoñia ne’e, Dekanu, Vise-Dekanu sira, Dosente, funsionáriu, konvidadu, Inan-Aman no estudante sira. (*)
