Reportajen: Selestinho Mani Fali
DILI (Lifaupress) Fakuldade edukasaun Arte no Humanidade (FEAH) Universidade Nasional Timor Lorosa’e (UNTL) Sexta, 24/05/2024, halo votasaun ba assosiasaun akadémika estudantil ba periodu 2024-2026 atu hili lideransa estudante.
Vise Presidente komisaun Fiskal Manuel Pereira hatete, komisaun preparasaun hamutuk ho vise gabineti retória UNTL halo faze planu ida ba votasaun troka lideransa estudante ba periodu 2024-2026, Vise komisaun Fiskal hatete ba jornalista www.lifaupress.com iha fatin votasaun kampus Liceu, Dili.
“Objetivu votasaun nee atu hili fila fali lideransa foun ba assosiasaun akadémika estudantil periodu 2024-2026 no ita hotu hatene katak mandatu lideransa assosiasaun estudantil ne’e kada tinan rua sempre troka” nia dehan.
Nia haktuir, Votasaun iha pakote tolu hanesan, pakote A, B no C, no hetan apoiu husi Sekretariadu Tekníku Administrasaun Eleitoral (STAE) ne’ebe mak oferese kaixa votu 2 ba votasaun nee.
Estudante ativu sira uza kartaun estudante atu ezerse sira nia direitu no ohin dader tuku 8:00 otl hahu hala’o votasaun sei termina lokraik tuku 3:00 otl, no mos kontinua kedas kontajen.
Entretantu estudante ativu Departamentu Biolojia semester III, Joecson Natalino de jesus Bere hatete, votasaun ne’e importante tebes ba estudante hotu-hotu ne’ebe mak hamahan-an iha FEAH atu hili lideransa ida atu rezolvel problema estudante hanesan rejistrasaun estudante foun, no seluk tan.
“Ha’u apresia kandidatura sira nia programa hanesan atu fo kursu no formasaun gratuita ba estudante iha FEAH no ohin hau mai tuir votasaun nee tuku 8:00 tanba hakarak ezerse hau nia direitu no hau sei hein to’o kontajen tuku 3:00 tanba atu rona no hatene kedas se mak sai lideransa ba assosiasaun FEAH” nia dehan. (*).
