Reportajen: Selestinho Mani Falo
DILI (lifaupress) : Estudante na’in 10 husi Institute of Business (IOB) hetan apoiu bolsu estudu Interna husi Governu Xina ba Tinan Akademiku 2023. Estudante sira ne’e, mauhusi Fakuldade 2 no Departamentu 7,
BOLSEIRU–Virgilio Tefa Abi, estudante IOB ne’ebe simu Bolsa Estudu Internal husi Governu Xina. Foto LP/Selestiano
Estudante sira ne’ebe simu Bolsu Estudu Internal ne’e Kompostu husi Bakhita Albertina Abel, António do Reis Pereira, Sidonia Paula Freitas, Ermita da Silva, Emelia Delima Guteres,Virgilio Tefa Abi, Ivania de Araujo Amaral, Cecilia da Costa Gomes, Nunu Verdial Magno no Marciana Rodrigues.
Sira nee mai husi fakuldade 2 mak Fakuldade Siensia Ekonomia no Fakuldade Informasaun Komunikasaun Teknolojia (ICT-sigla Portuguesa). Husi Departementu Téknika Informatika na’in 2, Multimedia (1), Gestaun informatika (2), Gestaun (1), Sensia Estudu Ekonomia Dezenvolvimentu ( 1), Kontabilidade (2) no jestaun Finanseíra na’in 1.
“Ami orgullu ba Governu Xina liuhusi Embaxada Xina, ne’ebe nia koopera ho IOB ba komfisiu Institutu ho programa konfisiu klass, tanba estudante na’in 10 husi IOB – nuudar Ensinu Superior privadu iha Timor-leste mak hetan bolsu Interna, nuudar apoiu finanseira atu kontinua nafatin sira – nia estudu iha IOB,” Vise Primeiru Reitor, Vasio Sarmento Soares, esplika ba jornalista www.lifaupress.com, Sehunda-feira (27/05/2024) iha nia servisu fatin, edifisiu IOB, Pantai Kelapa, Dili.
Nia haktuir, iha loron Kinta-feira (23/05/2024) Institute of Business (IOB) realiza ona Seremonia Premiasaun Bolsu Estudu Embaxada Xina ho prezensa reprezentante Inan ka Aman ba estudante nain 10.
Estudante na’in 10 ne’ebe mak liu bolsu estudu Interna, maihusi estudante sira ne’ebe mak iha mellor valor. No estudante sira ne’ebe aprende ho di’ak to’o graduasaun, iha posibilidade bolu sira sai manorin iha IOB.
Governu Xina liuhusi Embaxada Xina husu ba estudante na’in 10 atu aumenta tan sira – nia kapasidade lingua, liu-liu lingua mandarin.
Entretantu Magnifiku Reitor IOB, Pedro Barreto Ximenes orienta Gabinete Vise Reitor assuntu Akademika, atu halo ezersisiu ba revisaun kurikullu, liuliu hatama lingua Mandarin iha kurikullu.
“Bainhira estudante ne’ebe mai eskola iha IOB, tenke hatama hotu programa lingua Mandarin, nudar materia ida ne’ebe tenki partisipa,” Retor IOB esplika.
Desde tinan rua liu-ba, IOB halo Koperasaun ho Governu Xina liu husi Embaxada Xina iha Timor-leste, liuhusi estabelese klase Lingua no kultura Mandarin.
“Ami simu ona vizita dala tolu husi Embaxada Xina. Governu Xina apresia programa no atividade ne’e, nodeside apoiu estudante IOB ba bolsu estudu Interna atu kontinua nafatin sira – nia estudu,” Retor IOB dehan tan.
Atualmente, manorin na’in rua ba konfisius klasse husi Xina iha ona IOB, hodi loke kursu ba estudante sira, atu hasa’e koñesimentu no abilidae ba lingua Mandarin.
Alende ne’e, desde tinan kotuk IOB mos estabelese ona kooperasaun ba tinan 5 ho Estados Unidos Amerika (USA), liuhusi lansamentu programa Women Youth Fit Our Future (WYCOF) ho nia edifisiu iha Kampus B, Pante Kelapa, Dili. (*)
