Reportagem: Marçelo Caitano Colo
Oé -Cusse ( Lifaupress) : Parlamentu Nasional (PN), liuhusi Komsaun E neebe trata asuntu infra-estrutura, hala’o fiskalizsaun ba implementasuan programa rehabilitasaun estrada iha Rejaiun Administrativu Espesial Oe-cusse Ambeno (RAEOA) tinan 2025.
Durante iha Oe- cusse, delegasaun parlamentu nasional hala’o enkontru ho Prezidenti Autoridade RAEOA, Rogerio Tigao Lobato ho nia Sekretariu Rejiaun sira, Kinta-feira (3/7) iha iha Edifixo (GPA) Bairo Santa Rosa, Aldeia Sanane, suku Costa, Pante Makasar, Oecusse.
Prezdienti Komisaun E Parlamentu Nasional, Marcos Xavier esplika, Parlamentu Nasional aprova OJE 2025 ba RAEOA. Nune’e, Komisaun E vizita RAEOA, atu hatene kona-ba progresu implementasaun orsamentu liuhusi projetu reabilitasaun Estrada.
“ Ami mai to’o Oé -cusse, atu rona diretamente informasaun sira husi Autoridade RAEOA kona – ba progresu dezenvolmentu. Prezidente Atoridade RAEOA informa buat barak ne’ebe la’o hela iha Oé -Cusse, balun finaliza tia ona,” nia esplika.
Ba Komisaun E, Prezidenti Autoridade RAEOA, Rogerio Tiago Lobato informa, ezekusaun OJE 2025 atinji ona kuaze pursentu 30.
“ Ne’e di’ak, tanba kompara ho munispiu, ezekusaun orsamntu iha Oe- cusse di’akliu. Grasa de Deus, tanba RAEOA ezekuta do di’ak,” Prezidenti Komisaun E haktuir.
Maske nune’e, delegasain Komisaun E sei konfirma realidade iha terenu, kona-ba atinjimentu sira ne’ebe hato’o husi Prezidenti Autoridade RAEOA.
“Ami kontinua tun direta ba trenu, atu hetan diretamente tebes ka lae informasaun husi Presidente Autoridade ho ninia Sekretarìariu Rejiaun Sira. Nufin mak ita bele hare realidade,” niadehan.
Entretantu, Prezidenti Autoridade RAEOA, Rogirio Tiago Lobato deklara fo apoihu total, loke odamatan kompletu ba Presidente Komisaun E ho membru sira,tun diretaiha terenu atu hare ho matan, prosesu dezemvolmento ne’ebe hala’o hela. Karik ami halo buat ruma ne’ebe laloos, bele fo rekomendasaun para hadia servisu sira. Importante too iha foho no hare rasik,” Rogerio Lobato dehan.
Presidente Atoridade RAEOA Sr Rojeiro Tiago Lobato informa Tan katak, ba Sr presidente komisaun (E) bele ba hare dezemvolmento ne’ebe la’o dadaun iha foho.haktuir tan.
Husu kona-ba programa dezenvolvimentu saida de’it mak hala’o ona iha Oe-cusse durante mandate, Rogerio dehan, implementasaun porgrama dezenvolvimntu bazeia de’it buat ne’ebe Nono Governu trasa ona, liuliu konsentra ba estrada.
“ Ita iha planu barak atu halo, mais estrada lá iha, ita lá bele halo buat ida. Tamba ne’e konsentra uluk ba estrada,” Rogerio reafirma.(*)
