BAUKAU- Atu partisipa prosesu aprendisajen, estudante na’in 6 okupa meza ida iha Ensinu Baziku Filial (EBF) Katoliko Sao Miguel Arcanjo Lia-Ho’o, primeiru-sigundu siklu, Postu Administrativu Venilale, Munisipiu Baukau.
PARTISIPA APRENDiZAJEN : Estudar sira iha EBF Katoliko Sao Miguel Arcanjo Lia-Ho’o, Venilale, Baucau, participa prosesu aprendizagem ho menus kadeira no meja. Foto LP/ Celcia
“Meza kadeira ba ami – nia eskola laiha, ami tuur hamutuk iha meza mak hakerek,” Dilovia Nola Santos Guterres, estudante eskola ne’e inform aba jrnalista www.lifaupress.com iha resintu eskola, Sesta (28/06/2024).
Estudante ne’e sente triste, tanba difikulta tebes sira iha prosesu aprendisajem, liu liu bainhira hakerek materia husi profesores sira. “Ami husu Governu, bele karik apoiu meza no kadeira ba ami – nia eskola,” estudante ne’e husu.
Sorin seluk, Koordenador EBF Katoliko Sao Miguel Arcanjo Lia-Ho’o, Carlos Luis Aberto esplika, estudante sira obrigatoriu okupa meza ida iha prosesu aprendisajem, tanba eskola refere falta meza no kadeira.
Atu tulun estudante sira, eskola hato’o ona proposta ba Ministeriu Edukasaun hodi apoiu fasilidade hanesan meza no kadeira ba estudante sira, maibe seidauk hetan resposta.
Koordenador EBF Katoliko Sao Miguel Arcanjo Lia-Ho’o, Carlos Luis Aberto
“ Ami husu Governu, atu konsidera proposta ne’ebe eskola haruka ona, nunee bele garanteprosesu aprendizajen no eleva kualidade Edukasaun iha nivel eskola,” nia dehan tan.
Koordenador Eskola Filian ne’e informa, eskola presiza tan meza no kadeira ba estudante sira hamutuk unidade 181. Nune’e, bele akumula estudante na’in 2 iha kadeira no meza idahodi fasilita prosesu aprendiajen ho di’ak, durante oras eskola.
Atualmente, EBF Katoliko Sao Miguel Arcanjo Lia-Ho’o iha estudante na’in 214, kompostu husi feto 124 no mane 117. Kada Aula aprendizajen, eskola koloka estudante minimu nain 25 no masimu 43.
Lia-Ho’o Venilale no falta mos profesor sira. Tanba ne’e Ministeriu Edukasaun fo kontratu ba professores sira iha future, koloka mos ba eskola privadu sira.
Iha eskola refere professores hamutuk nain 11, enkuantu nain 7 funsionariu permanente no nain 4 seluk parsial.
Tuir observasaun jornalista onlinelifaupress.com, estudante balun hakerek deit iha Kadeira neebe mak la uza tanba at ona, no estudante nain 6 ka 5 tur hakerek lisuk iha mesa ida no bok an ba mai ladun diak.
Armariu nebe mak tau livru sira , eskola edifisiu sala tolu ne’ebe mak at dadaun ona hanesan Janela ,Plafon no odamatan. (*)
