Reportagen: Osterlia Muni
Dili (lifaupress): Komisaun C, Parlamentu Nasional ne’ebe trata asuntu finansa publika, Kinta-feira (27/6/2024) halo fiskalizasaun iha Institutu Nasional Seguransa Sosial (INSS) konba-ba orsamentu ho montante US $ 254 milloes.
Prezidente Institutu Nasional Seguransa Sosial (INSS), Arlindo Pinto hateten, iha enkontru ho membru Parlamentu Nasional husi Komisaun C, halo diskusaun hamutuk kona – ba orsamentu ne’ebe atribui husi Orsamentu Jeral Estadu (OJE) ba INSS.
“ Ami orgullu ho fiskalizasaun husi Parlamentu iha INSS, tanba importante tebes atu publiku atu hatene, liuliu Na’i deputado sira hatene kona – ba fundu rezervas seguransa sira,” Prezidenti INSS Arlindo Pinto hateten ba jornalista sira iha Insitutu Nasional Siguransa Sosial, Kaikoli, Dili.
Ba reprezenta povu iha uma fukun Parlamentu Nasional, autoridade INSS ne’e explikadetallu katak, orsamnetun fundu ne’e, konta fila – fali fundu rezerva seguransa sira, ne’ebe durante nee kapataliza liuhusi merkadu monetariu, ne’ebe tama ona faze depozitu prasu entre entidade ba komersiu sira ho fundu regional sira.
Alende ne’e, esplika mos kona-ba atu kapitaliza nafatin fundu ne’e atu bele hetan retornukada tempu, ne’ebe mak termina entre fundo rezerva rejional Seguransa sosial ho Banko Komersio sira ho montante $254 milloens.
Nia dehan, ba Fundu rezerva seguransa sosial ne’ebe kaptaliza ho montante osan $195 milhoes iha tinan 2024 hetan returno $5.6 millhoens, hodi amenta fila – fali fundu iha titular ba seguransa sosial.
Durante nee, INSS hato’o ona sirkular ba entidade empregadu sira, liuhusi anunsiu publiku liuhusi Media, liliu ba ministeriu hotu no orgaun soberaniu sira, atu kada fulan aprezenta deklarasaun no remodelasaun.
“ Ho deklarasaun no remodelasaun, ami bele atribui numeru identidade sosial, atu bele requera sira nia kontribusaun. Nune’e, servisu na’in sira hatene katak sira bele kontribui hira ho aban bainrua sira atu simu hira?,” nia dehan tan? Maibe, to’o agora sira seidauk aprezenta deklarsaaun remodelasaun,” Prezidenti INSS, Arlindo Pinto reafirma tan. (*)
