AILEU (Lifau Press): Estudante kuaze na’in 30 partisipa formasaun kona- ba Media Literacy ne’ebe fasilita husi Konsellu Imprensa Timor-leste. Formasaun ne’e hahu loron 19 too 21 Fevereiru 2024 iha Aileu.
Objetivu formasaun ne’e, atu estudante sira kunhese Plataforma media social, meius komunikasaun social, jornalismu eskirita, fotografia no teknika entrevista, liuhusi formador sira husi KI no organizasaun jornalista sira.
Prezidenti Konsellu Imprensa, Otelio Ote iha serimonia abertura hateten, teknolojia komunikasaun ne’ebe avansada ohin-loron, muda ona karater ema nian utiliza meius atu halo komunikasaun.
Iha ambiente ne’e, jerasaun foun presiza hatene uluk vantajen no devantajen husi utilizasaun komunikasaun uza telephone no Plataforma media social sira mak Facebook, AhatShao, Twuter no seluk tan.
“ Presiza kunhesimentu kle’an kona – ba platafirma sira ne’e no oinsa utiliza. Nune’e, ita iha beran atu hili informasaun ne’ebe mak di’ak no loos atu ita uza ka bele share ba publiku,” Otelio dehan,
Utizador midia social mos tenki iha abilidade atu hakerek ho di’ak, nune’e mensajen ne’ebe publika fasil atu ema kompriende no hetan fiar. “ Ita halo nune’e atu prevene espalaa informasaun falsu ka la loos,” nia dehan tan.
Formasaun ne’e, sei lidera husi Diretor Diresaun Analize no Monitorizasaun Midia Konsellu Imprfensa. Partisipa iha abertura ne’e Diretor Eskola Teknika Vokasional Aileu no formasaun sira balu. (**/LP1)
