DILI (lifaupress): Banku Mandiri Timor-leste sei lansa Internet Banking iha fulan Marsu 2024 nia laran, hodi fasilita transferensia osan ba mundu.
Atu prepara lansamentu ne’e ho susesu, Branch Manager Banku Mandiri iha Timor-Leste, Yusuf Lamsana Lumban Tobing, hasoru malu ho Vise Primeiru- Minstru, Ministru Koordenador ba Asuntu Ekonomiku, Ministru Turizmu no Ambiente , Francisco Kalbuadi Lay, Tersa-feira (18/3/2024) iha Gabinete Farol, Dili.
Tuir informasaun ne’ebe publiku liuhusi Pajina Facebook Ministru Koordenador ba Asuntu Ekonomiku, deskreve, Iha audiensia ne’ebé la’o kuaje oras ida, Branch Manager Banku Mandiri iha Timor-Leste, Yusuf Lamsana Lumban Tobing, informa planu lansamentu Internet Banking fulan Marsu tinan ne’e.
Objetiovu, atu fó apoiu no fasilita emprezariu Timor-oan sira, liuhusi programa Mandiri Cash Management, iha ne’ebé programa ne’e sei fó apoiu ba emprezariu Timor-oan sira atu halo transferensia internasionalmente ba Indonezia inklui nasaun seluk.
Yusuf esplika, programa online Bangking ne’e, sei ativu durante oras 24 . Nune’e, emprezariu sira bele manda osan ba nasaun sira iha mundu, uza de’it Telemovel, Laptop ka Komputer no ne’e no la presija hakat ba edifisiu Banku Mandiri.
Tranzasaun osan ba banku sira iha Indonesia ba osan Rupiah, sei selu de’it USD $ 1, maibé tranzasaun baosan dolar sei ko’a hahu husi USD$ 5 to’o USD$ 250, depende ba montante transferensia.
Vise Primeiru- Minstru, Ministru Koordenador ba Asuntu Ekonomiku, Ministru Turizmu no Ambiente Francisco Kalbuadi Lay apresia tebes ho planu implementasaun Internet Banking husi Banku Mandiri Timor-leste. (Media VPM1/**}
