Jornalista : Anna Ribeiro
Dili (Berita Timor-Leste) : Cruz Vermelha Timor-Leste servisu hamutuk ho Cruz Vermelha internasional (sigla Ingles ICRC), organiza formasaun Primeiru sokoru ba jornalista sira, husi Meius Komunikasaun Sosial iha Timor laran.
Objetivu formasaun nee atu aumenta koñesimentu, kona-ba atendimentu Primeiru Sokoru no dezeminasaun valores humanitariu sira.
“ Iha situasaun konflitu, dezastre naturais, normal no asidente sira, media nia papél importante teb-tebes. Tanba sira tenke ba treinu,tun, liuliu iha fatin asisdente sira, tenki iha koñesimentu atu ajuda ema seluk no ajuda sira nia an rasik,” Sekretariu Jeral CVTL, Luis Pedro Pinto, hateten ida ne’e ba jornalista sira iha CVTL Formosa, Dili, Tersa – feira (19/03/2024).
Nia rekunhese, Midia sai parseiru importante ba Cruz Vermelha Timor-Leste. Nune’e, Cruz Vermelha tau rioridade mos iha formasaun atu iha futur bele ajuda mos instituissaun midia idaidak.
Nune’e, nia husu ba midia sira, atu kontinua divulga informasaun ba komunidade hotu, atu iha koñesimentu kona-ba primeiru sokoru. Formasaun ne’e realiza durante loron tolu, ho materia hanesan ajauda ema tohar no ran sai barak.
Iha fatin hanesan Konselleira Konsellu Imprensa , Isabel Maria Fernandes de Jesus, agradese ba CVTL, tanba koopera fasilita kapasitasaun ba jornalista sira. “ Kooperasaun nee diak tebes, tanba hahu kedas ona iha tinan hirakliuba, inklui ba jornalista destaku sira iha Munisipiu,” Konselleira Isabel hateten. (*/LP)
