Reportajen: Jacinta Mendes Gonçalves
DILI (lifaupress): Estudante Eskola Pré Eskolar (EPE) na’in 105 simu graduasaun iha eskola 12 de Outubro Dulce J. Soares, Tasi tolu, Comoro, Dili, sabadu (30/11/2024) 09:30 -12:30 Oras Timor Leste
Kordenador Jeral Pré Eskolar, Mateus Andrade deklara, gradusaun ne’e nudar graduasaun ba dala 6. Husi estudnate na’in 105, na’in 52 feto no mane na’in 53. Alende ne’e, iha estudante na’in 40 la gradua tanba sira -nia idade sei ki’ikliu.
Mateus Andrade dehan tan, labarik mak fini di’ak ba futuru nasaun. “ Ohin – loron Itá bele realiza ona serimonia graduasaun ba itá -nia oan sira. Parabéns ba manorin sira, ne’ebe la fasil hanorin estudante pré eskolar sira durante ne’e. Manorin sira nudar Inan – aman iha eskola,” nia dehan tan.
Nia rekunhesem numeru graduasaun tinan ne’e menus. Nune’e, ba futuru tenki esforsu nafatin servisu labarik sira nia asesu ba edukasaun.
“ Bainhira Ensinu Pré Eskolar lá forte, Ensinu Baziku mós lá forte. Tanba hanesan lalehan no infernu. Husu ba Inan – aman sira, atu tuir nafatin oan sira atu tuir dalan loos,” nia dehan.
Koordenador Eskola nee mos dehan, edukasaun husi Inan aman mak importante ba oan/ labarik sira – nia futuru. Nune’e, husu ba Inan – aman sira tau importansia lori oan sira registu iha Eskola Pré Eskolar hodi aprende tuir sira – nia idade. Nune’e, bainhira tama ona Ensinu Baziku, ladun hasoru ona problema.
Atualmente eskola ne’e hasortu problema falta kadeira, lori konsekuensia labarik barak mak tur iha rai hodi tuir prosesu aprendizajen.
Atu resolve problema ne’e, eskola foti inisiativa halo enkongtru ho ina-aman sira iha fuan Outubru, hodi husu tulun sosa kadeira ba oan sira.
Eskola ne’e iha profesor pre eskolar nain 3, hamutuk ho koordenador na’in 4 no profesor voluntariu ida husi Koika Korea, ne’ebe hahu hanorin iha fulan Junho 2023. (*)
