Reportajen: Selestinho Mani Falo
OE-CUSSE – (Lifaupress) Ministeriu Administrasaun Estatal liu husi nonu governu apoiu motorista ba xefe no sekretariu suku 18, Kinta-Feira (28-11-2024) iha fatin selebrasaun aniversariu loron proklamasaun Independensia, kampu 1 de Maio RAEOA, atu fasilita poder xefe suku sira.
Suku 18 kompostu husi Postu administrativu 4 hanesan Pasabe, suku Malelat, Abani, Postu Oe Silo, Usi Takeno, Bobometo, Usi Tasae, Postu Nitibe, Lele-Ufe, Suin-Ufe, Usi Taco, Bene ufe, Hao-ufe, postu Pante Macasar, Naimeco, Taiboco, Bobo Casse, Nipani, Lalisuk Cunia, Costa no Lifau.
“Apoiu motorista kada suku 18 iha RAEOA laos oportunidade maibe atu servi ba povu no fasilita povu ho lalais”, dehan ba jornalista www lifaupress.com representa suku 18, Xefe suku Costa, Francisco Colo, iha fatin aniversariu proklamasaun independensia kampu 1 de Maio, RAEOA.
Nia haktuir, agradesimentu ba governu tanba bele apoiu ona ami ba xefe no sekretariu suku 18 iha Rejiuan Administrativu Espesial Oe-cusse Ambenu (RAEOA) kompostu husi postu 4, atu nunee ami servi ba povu ho diak.
Tuir observasaun jornalista www lifaupress.com ba motorista ne’ebe mak distribui ba xefe no sekretariu suku 18 iha RAEOA hanesan, motor Verza ba xefe suku hamutuk 18 no motor revo ba sekretariu hamutuk 18 . (*).
