Reportajen Celcia Magno
VENILALE (Lifaupress) : Sarani sira kuaze atus ida resin husi Estasaun kapela Sao Jose Ossogori, postu Venilale Baucau, Domingu (13-07-2025) kauze tuku 4 loraik OTL simu ilhas Sagradu Coracao de Jesus iha kruzamentu Uai-Oli ho arko ne’ebe nakonu iha dalan to estasaun Osogori .
Bainhira ilhas Sagrado Coracao de Jesus husi estasaun kapela Uaibua Venilale mai entraga ba estasaun kapela Osogori iha kruzamentu Uai Oli, simu ho dansa kultura husi estudante sira, no lia Dadoli, tara tais ba ilhas Sagrado Coracao de Jesus husi Xefe Aldeia Osogori, Inacio Silva.
Sarani sira mos kari aifunan ba ilhas no ikus halo orasaun la’o ain ba estasaun Kapela Osogori.
Iha serimonia entrega Ilhas Sacrojes ba Estasaun Osogori , akompanha mos husi Padre, Madre, Autoridade lokal, Ferik katuas, Joven, estudante inklui mos labarik sira balun.
Sarani sira kontenti simu ho haksolok iha kruzamentu Uai Oli hafoin sarani sira hulan deit iha kabas no lao ain kauze metro tolu no akompanha reza Tersu ho kanta hodi ba to’o iha estasaun Kapela Osogori.
Hafoin to’o iha kapela ne’e, sarani sira prepara fatin ba Ilhas Sagrado Coracao de Jesus ho simples, maibe nakonu ho domin hodi deskansa.
Hafoin ida ne, sarani sira halo adorasaun kada Bairu no retiru ba sarani sira husi Madre Salesiana sira iha Segunda feira (14-07-2025)
Aliende ne’e, estudante sira balun partisipa hodi dansa kultura no halo atividades sira seluk. Entretantu balun labele partisipa, tanba atu ezame ba 2°periodo iha Venilale Vila Baucau nomos munisipiu Dili.
Iha Tersa Feira (15-07-2025), Amu Paroku selebra Misa iha estasaun Kapela Sao Jose no sarani labarik kauze na’in 40 resin.
Hafoin nee, Ilhas Sagrado Coracao de Jesus sei ba vizita fali Sarani Estasaun iha kapela Uai-Oli. (*)
