Reportajen :Rosita Taec Tilo
Estudante na’in 110 husi estudante 116, ne’ebe aprovadu asesu ba Ensinu Superior Dili Institute of Tcenology (DIT) KREO, Oe-cusse, hahú partisipa orientasaun, Tersa-feira (9/2/2025) iha areador Kampus Palaban, Pante Makasar, RAEOA.
Retór DTIKREO, João Muni iha entrevista ho jornalista sira esplika, atividade orientasaun nuudar atividade rutinu kada tinan ba estudante foun sira, molok hahu prosesu aprendizajen. Objetivu husi atividade ne’e, atu introduz mundu akademiku ba estudante foun sira, no espsial kunhese kle’anliu kona-ba ambiente DITKREO no nia prosesu aprendizajen sira.
Husi estudante na’in 110 ne’e. maihusi Departamento haat (4) kompostu husi departementu CS, Civil engenheiro, Gestão Geral no departamento Gestão Finanças. Estudante sira hotu partidipa aula iha klase normal dader no klase normal lokraik.
“ Iha klase regular loraik, fó opurtunidade ba traballadór setór privadu no publiku atu hetan asesu ba edukasaun nivel Ensinu Superior. Nune’e, la prejudika sira-nia atividade diaria nudar funsiunariu iha idaidak nia instituisaun.
Kona-ba hatais kultura, durante serimonia abertura orientasaun, João Muni esplika, hatais tais nuudar parte ida husi promove identidade ema Oe-cusse. “ Kada tinan, abertura obrientasaun ba estudante foun, sempre hatais Kultura atu promove nafatin tais, liuliu ba jerasaun foun sira para labele haluha identidade. Sira tenke familiar uza sira nia kultura rasik no tenke apar ho ambiente ne’ebé modernu ona,” João Muni dehan.
Alemde hatais tradisional, estudante sira mós presiza hatenen dansa tradisional no kanta hinu tradisional sira.
Iha parte seluk, João Muni dehan, problema ida nee’bé infrenta maka kuaze edukasaun tomak ho mudansa husi teknolojia telekomunikasaun no plataforma dijital sira, ema barak pasa tempu atu lee siênsia iha plataforma digitalizasaun. “ Ita sei falta livru iha Biblioteka, entaun bele asesu materia sira husi plataforma dijital, “ nia dehan tan.
Nia espera ho fasilidade internet bele apoiu peskiza no publikasaun peskiza siênsia husi kada individu, inklui estudante sira. “ Espera Governo RAEOA bele hamosu projetus peskiza, hakerek livros no hatene artigos, konesimentu iha teknolojia sira, bele apar ho serbisu hamutuk ne’e di’akliu tan,” nia dehan. (*)
