Reportagen: Maria Feno/ Osterlia Muni
DILI (Lifaupress): Centro Nacional Chega (CNC) hahu harii Muzeu Memoria atu Prezerva Memoria no Introduz Isroria ba jerasaun foun sira iha futuru.
Atu fo hanoin ba sidadaun sira no instituisaun relevante sira, CNC realiza Seminariu iha Salaun CNC, Dili, Quinta Feira (04-07-2024) ho tema “Papel Muzeu no Arkivu iha prezervasaun memoria no introdusaun istoria”, konvida mos orador internasional sira hodi fahe esperiensia.
Pe Juvito Repo De Jesus Araújo, nuudar Membru Konsellu Administrasaun CNC ba jornalista sira iha ambietne seminariu ne’e esplika, seminar ne’e importante, Timor-leste riku memoria istoriku no barak mos mak lakon.
“ Sira – ne’ebe mak iha presiza halo prezerva ida -idak di’ak, atu jerasaun foun mai bele aproveita lee, hodi hatene katak rai ida ne’e iha nia istoria naruk iha luta libertasaun,” Amo Jovito dehan.
Nia dehan tan, istoria direitu umanu, nuudar istória ne’ebe ema barak nia moris mak oferese ba jerasaun ohin – loron, bele moris hanesan ai-isin independente n, povu independente ida.
Tuir Amo Juvito nia observasaun, Timor-leste iha Ensinu Superior 10 resin, maibe la iha Fakuldade Istoria ou minimu Departementu Istoria. “ Ne’e situasaun tristi. Tanba jerasaun foun sira la iha asesu atu aprende no hatene kona-ba istoria iha universidade sira,” Amo Juvito dehan tan.
Muzeu ne‘ebe konstrui, iha future sai mós fatin id aba ema atu estuda. CNC koopera ho Ministeriu Edukasaun halo ona Kurrikulu ba nivel universidade hodi komesa introduz ona istória iha universidade.
Esforsu ne’ene CNC halao dadaun, bazeia ba rekomendasaun sira ba CNC konaba prezerva memoria istoria ne’ebé beiala sira rai hela.
Liuhusi seminariu ne’e, aproveita asosiaria internasionál sira nia prezensa ne’e, fahe esperiénsia kona-ba jestaun ba muzeu, prezervasaun ba inteletual sira ne’ebé iha koñeseimento kle’an kona-ba Memoria no seluk tan. (*)
