Reportajen : Anagracia
DILI (lifaupress): Diretor Jeral Sekretáriu Estadu Igualidade, Armando da Costa husu ba membru rede referral atu kontinua halo advokasia kona-ba violensia bazeia ba jeneru, durante ambiente vizita Papa Francisco mai Timor-Leste, Setembru 2024.
Diretor Jeral Sekretáriu Estadu Igualidade, Armando da Costa hato’o ida ne’e, Segunda-feira (8/7/2024) liuhusi jornalista iha salaun Maria Margarete SEI, Caicoli, Dili.
“ Vizita ne’e sei halibur ema barak ho karakter no intensaun diferente. Nune, bolu atensaun no ko’alia entre membru sira nafatin fó atendimentu tuir sira – nia kna’ar durante Papa vizita ita-nia rai,” nia
Ema rihun ba rihun husi Munisipiu sira, nune’e mós sei iha movmentu atraves Fronteira Timor-Leste ho Indonesia, mai konsentra iha sidade Dili, liuliu fatin Misa Tasi-tolu, Comoro.
“Iha okaziaun sira ne’e bele mós akontese buat sira ne’ebé mak la espera, liuliu iha kontestu violensia bazeia ba jeneru. Tamba ne’e, membru ida-idak konsolida ninia forsa no servisu sira, atu prepara aan atu wainhira ruma akontese relasiona ita nia asuntu,, durante Papa-nia vizita, prontu halo atendimentu, “nia esplika. (*)
