Reportajen : Celcia Magno
VENILALE (lifaupress) : Autoridade lokal Liu husi Funsionariu Sosial, Juventude Desportu Arte Kultura, Diresaun Nasional Prevensaun Konflitu humanismiu no Sekretariu Estadu Igualidade, vizita pasiente labarik ho difisiensia, Robi Camara Oliveira iha area Ariana aldeia Uatu-Asa suku Uatu-haco Postu Venilale Baucau Sexta Feira (10/05/2024)tuku 9 Dader OTL.
Objetivu vizita ne’e, atu hare direta Robi Camara Oliveira nia kondisaun saude no rekolla dadus. Robi Camara Oliveira moras ho difisiensia komplikadu hanesan matan ladun hare, liman susar atu kaer sasan, Ain labele lao no seidauk bele ko’alia.
Xefe Seksaun Sosial Postu Administrativu Venilale, Lourenco Ximenes ba Jornalista online www.lifaupress.com esplika, Governu-nia programa tau-matan ba ema difisiensia no vuneravel sira-nia nesesidade moris lroloron.
Hafoin vizita ne’e, sei hato’o relatoriu ba Sentru sosiedade munisipiu Baucau, hodi bele atende fasilidade no nesesidade sira.
Entretantu Robi-nia aman, Domingos Camara Guterres apresia vizita husi autoridade lokal Venilale, Liu husi funsionariu sira hodi rekolla dadua.
Antes ne’e, Robi Camara de Oliveira nia aman rasik, Domingos Camara Guterres, publika realidade moris husi oan mane ba midia. Husi publikasaun ne’e, ,hetan ona vizita hodi rekolla dadus husi autoridade lokal no Munisipiu Baucau iha loron Kinta (09/05/2024) no Sexta (10/05/2024). (*)
