Reportajen : Celcia Magno
VENILALE (Lifaupress) : Autoridade munisipiu Baucau, reprezenta husi Xefe Postu Administrativu Venilale, Jose Freitas Boavida lansa kuda hare husi grupu Pratika Agrikultora di’ak (PAD) iha Aldeia Bahadato, suku Fatulia, Venilale, Munisipiu Baucau, Tersa Feira (07/05/2024)tuku 8 OTL, atu motiva agrikultor sira kuda hare iha natar, hodi hamenus importasaun fos husi nasaun seluk.
KUDA HARE : Xefe Postu Administrativu Venilale, Jose Freitas Boavida hamutuk funsiunariu sira kuda hare Makroma iha Aldeia Bahadato, suku Fatulia, Venilale, Munisipiu Baucau, Tersa-feira (7/5). Foto Dok
Grupu Pratika Agrikultora ho diak (PAD) implementa husi ekipa extensionista Postu Administrativu Venilale, servisu hamutuk ho autoridade suku Fatulia, liuhusi halo natar ho hektares 1,500 metrus uza hare Nakroma. Durante ne’e, agikultor sira abandona natar ne’e tanba la iha ekipmaentu.
Xefe Postu Administrativu Venilale, Jose Freitas Boavida reprezenta Autoridade munisipiu Baucau orgulhu ba Autoridade sira hotu, ne’ebe ajuda komunidade sira hodi dezenvolve produtu ai-han lokal sira.
Aliende ne’e, Xefe Suku Fatulia, Angelino Pereira hateten, atividade kuda hare ne’e positivu tebes hodi fo ezemplu ba komnudade seluk atu banati tuir.
Entretantu, Cipriano Lopes Pereira nuudar natar na’in mos orgullu ba aktvidades sira, nune bele hasa’e produsaun fos husi rai rasik.
Cipriano Sujere ba Autoridade local, atu aumenta fasilidade halai natar hanesan Lona, Trator, no fasilidade tempu kolleta. Serimonia kuda hare ne’e, partisipa mos husi autoridade sira seluk no komunidade sira. (*)
