Reportajen : Siçhya
DÍLI (lifaupress): Autoridade Protesaun Sivil (APC) liuhusi Gabinete relasaun esterna no komunikasaun (GREK-APC) informa, durante semana ida ne’e xefi família 30 mak sai vitima husi dezastre naturais ho tipu dezastre ne’ebe lá hanesan.
Dezastre naturais ho tipu dezastre ne’ebe lá hanesan, akontese iha munisípiu 8 kompostu husi Baucau, Ermera,Lautem, Manatuto, Bobonaro, Covalima, Manufahi, Viqueque ino Raeoa.
Iha munisípiu Baucau anin sobu uma lima, Ermera anin sobu uma ida, rai halai uma ida, Lautem anin sobu uma ida, ahi sunu uma ida, Manatuto Bê sa’e uma ida, Bobonaro anin sobu uma rua, Covalima ahi han uma ida, Raeoa anin sobu uma sanulu no bê sa’e uma ida, ahi sunu uma ida, no iha munisípiu Viqueque, anin sobu uma 3 no rai halai uma ida.
Nune’e, Sekretaria Estadu Protesaun Sivil (SEPS) apela ba GREK-APC atu vizita direita municípiu Viqueque, postu administrativu Viqueque vila, suku Luka, Aldeia Uma Boot, ne’ebe inundasaun estraga uma kain 14, no hetan ona tulunemergêsia no rekoperasaun.
Iha tempu badak sei halo rekoperasaun, maibe sei hein hela dadus ne’ebe mak konkordansia entre APC no komunidade sira.Komunidade sira prontu atu muda ses husi fatin risku sira. (*)
