Reportagen : Florentina Bianco da Cruz
DILI (lifaupress ) : Autoridade Protesaun Sivil (APC), durante semana ida rejista kazu dezastre estraga uma kain 61 no anin sobu uma 38.
Dezastre sira ne’e akontese hahú iha loron 22 to’o 28 Abríl 2025. Alemde ne’e, rai halai rua, ahi sunu rua, bee sa’e 19, preinxe kriteria 16 no apoiu de’it emerjensia 48 no ema afetadu 284.’
Porta Voz APC Timor – leste, Nelson Nunes de Orleans, atual Xefe Relasaun Esterna no Kooperasaun ba jornalista sira iha Dili, semana ne’e hateten, Munisípiu sira ne’ebé hatan dezastre mak n Munisípiu Likisa, Manatuto, Manufahi, RAEOA no munisípiu Vikeke.
Iha munisípiu Lisikisa, anin sobu uma 3, Manatuto (32), Bee sa’e (19), rai halai (2), ahi sunu uma 1. Iha Manufahi, anin sobu uma 1, RAEOA no ahi sunu uma 1. Iha munisípiu Vikeke, anin sobu uma 1.
Komando APC Munisípiu sira hotu, tantu mós kapitál nasional, fo apoiu pakote emerjensia ba sira – ne’ebé hetan dezastre.
”komando APC Munisípiu sira hotu tantu mós kapitál apoiu pakote emerjensia ba sira durante hetan dezastre. Iha Aileu, entrega ona pakote emerjensia rekoperasaun 17 no Ainaru pakote 18. (*)
