Governu – Igreja Koopera Selebra Misa Funebre Amo Papa Francisco
Reportagen : Florentina Bianco da Cruz
DILI (lifaupress) : Ema rihun ba rihun partisipa Misa Funebre ba Amo Papa Francisco. Ba susesu Misa ne’e. Igreja servisu hamutuk Governu Timor-leste prepara kondisaun hotu, atu Misa ne’e la’o ho hakmatek no susesu.
Vigorio Pastorais Archediocese Metropolitana de Dili, Pe. Jubitu Rego de Jesus Araújo hateten, Misa Funebre ba Amu Papa Francisco, hala’o iha loron Sabadu, 26 Abríl 2025, tuku 18.00 loraik iha Tasi Tolu, Comoro, Dili.
Vigorio pastorais ArcheDiocese Metropolitana de Dili, Pe. Jubitu Rego de Jesus Araújo hato’o liu husi komferensia imprensa iha sala Arguidiocese Metropolitana de Dili, loron hirakliuba antes Misa.
Nia mos rekunese, bainhira Amo Papa Francisco vizita Timor-leste iha Setemberu tinan 2024, Igreja servisu hamutuk Governu prepara kondisaun hotu, to’o vizta ne’e susesu boot, espalla to’o mundu tomak. Servisu hamutuk ne’e, kontinua to’o organiza Misa ba Amo Papa nia mate.
Misa funebre iha Tasitolu, la’o di’ak, organiadu tanba hetan mos tulun husi protokolu ne’ebe estabele husi Ministeriu Aadmnistrasaun Estatal (MAE). Sarani sira, mos iha dever koopera durante Misa nia lala’ok, hatais atributu sira ne’ebe uza durante Amo Papa Francisco nia vizita.
Ministru Administrasaun Estatál, Tomas do Rosario Cabaral salienta, Governu apoia Igreza Katólika, atu serimonia Misa la’o di’ak. “ Autoridade polisia mak kontrola movimentu tama area Misa Requiem, inklui kontrola fatin parke ba kareta,” nia dehan. (*)
