Reportagen : Florentina Bianco da Cruz
DILI (lifauress): Madre Canosiana, Guilhermina Marcal hatete, hare ba dukumentu Fraternidade umana, hatudu ba mundu katak, Papa Francisco (matebian) la’os ba Katólika sira de’it, maibé nia sai aman, amigu, mestre ba ema hotu iha mundu.
“Santo Padre nia mate, hanesan ita lakon Pastor ida, lakon líder, no mós ita lakon aman spiritual. Santo Padre, la hare ba relijiaun no la hare ba kór, ka la hare ba pozisaun. Nia hakuak ema hotu-hotu, hanesan ita hare familidade, hanesan relijiaun sira seluk no povu sira seluk. Ita hare ho dukumentu Fraternidade umana hatudu ba mundu katak, Papa la’os ba ita Katólika sira, “Mdre Guilhermina hateten.
Ba povu, no espesial sarani iha Timor-Leste, Madre Guilerhmina dehan tan, marka istória furak istória ida ne’ebé katak povu liu husi terus oioin, maibé povu ne’e solidu iha nia fiar, hakat bareiras oioin nafatin ho haksolok.
Nia dehan, prezensa Amo Papa Francisco iha Timor-leste, marka marka istória kle’an tebes, ne’ebe povu sei la haluha. Tanba, durante iha Timor-leste, Santo Padre ho niaa simplisidade, fuan hakmatek, hakuak ema hotu.
” Maske lori misaun boot ida, ita la hare katak misaun ne’e adora Santo Padre. Tanba ema ne’ebé moris hamutuk iha vidorasaun maka’as, evoasaun ba na’in feto maka’as, ajuda Santo Padre sai ema ne’ebé kevitdradu iha situasaun hotu-hotu, ” Madre Guihlermina hateten.
“Ha’u reza ba Santo Padre, atu tulun ita moris ho dame, domin, liuliu joven sira iha barulhu. Maibé, keta haluha ida – idak nia future, hahú ohin halo barullu. Hase malu ho fuan no hamnasa. Labele haseti malu ho fatuk, liafuan kroat, tudik ka buat seluk. haseti malu ho fuan no hamnasa,” nia dehan.
“Husu maluk sira hotu, sarani ka la sarani, atu reza ba Maromak esperitu Santo, hakman Kardeal sira ne’ebé hola parte iha Komklaviu, atu hili ema ne’ebé iha fuan, domin, haraikan, simplisidade, atu lori Igreza ba oin.
“ Papa Francisco ho nia simplisidade, manan ema nia fuan no halo revolusaun mundasa maka’as iha Vaticano,” Madre espresa.
Sorin seluk, Dosente UNITAL Dili, Gilberto Guterres da Silva senti triste rona Amo Papa Francisco hakotu iis ona iha Vatikano.
“Nu’udar Timor oan, ita hotu triste wainhira rona Amu Papa nia mate, tanba foin fulan hitu vizita Timor-leste, Amo Papa hakotu ona viajen iha mundu,” dosente fakuldade Edukasaun ne’e dehan .
Dosente UNITAL fakuldade edukasaun Gilberto Guterres da Silva hato’o asuntu ne’e iha nain feto lesidere (25/04).
Amo Papa Francisco, ema ida ne’ebe la halo diskriminasaun ba relijiaun hotu iha mundu. “ Maske lidera Igreja Katolika, Amo Papa nia espiritu relijiaun, di’ak ba relijiaun hotu iha mundu,
nia dehan tan.
Entretantu, eis Embaxadadora Santa-se, Juvita Rodrigues Barreto hatutan, Amo Papa Francisco, nuudar aman ne’ebé habesik liu ba sarani sira ho domin, paz no haraik an. “ Senti turisti tebes, lakon santidade Papa Francisco,” Juvita Rodrigues dehan.
Ambasadora ne’e mos rekunhese, durante servisu iha Vatikanu, haree rasik Amo Papa Francisco besikliu Timoroan sira. Tanba Amo Papa hatene, Timor – leste nasaun ki’ik iha mundu ho nia populasaun kuaze 98% Katóliku, segundu lugar iha mundu.
“Ha’u ho ha’u – nia família uma laran, sente tristi. Ha’u – nia oan sira mós, sente turisti. Sira tanis, tanba senti besik loos ho Amo Papa. Husu ba Aman Maromak, atu perdua ba nia sala hotu, hodi simu nia iha lalehan, no haraik nafatin paz ba rai Timor,” nia dehan tan. (*)
