Reportajen: Marçelo C Colo/ Jerino Bere/Lucinta Colo/Maria Abi/Joao Oqui.
OE- CUSSE (lifaupress): Arche Bispo Arquidiocese de Dili , Dom Virgilio Cardeal do Carmo da Silva, SDB, prezidi Misa Abertura Ano Letivu 2025 iha Igreja Santu Antonio Santa-Rosa, Pante Makasar, Oecusse, Sabado ( 01/02/2025) ho Tema “ Abertura Ano letivu 2025 ba eskolasira hotu iha Timor Leste laran Tomak”.
Misa ne’ebe mos nuudar Misa ba Ilhas husi Sao Paulo II iha Oe-Cusse no mos nudar Mahein ba Edukasaun iha Timor-leste ne’e, partisipa husi sarani sira kuaze 1,400, inklui sarani 300 husi Parokia Ermera.
Iha okaziaun ne’e, Amo Kardial Dom Virgilio do Carmo da Silva, SDB, nafatin enkoraza sarani sira atu agradese ba Maromak, tanba fo tan tinan ida atu hatutan moris iha mundu, hodi halp netik buat ruma ba Maromak, rai-ne’e no familia idaidak.
Tuir Amo Kardial, São João Paulo, II dehan esperitu di’ak ba moris mak alegria, paz, unidade, hatene haraik an, laran di’ak no pasensia.
Nia husu atu eskola sira iha Timors-leste sai fatin ba paz no alunu sira saudades. “ Éskola nuudar fatin hakmatek, hare malu hanesan maun-alin, la iha grupu seluk. Ita estudante hotu deit, hare mak Mestri sira deit. Tamba sira mak nudar aman iha eskola,” Amu Kardeal dehan .
Entretantu Ministra Edukasaun, Dulce de Jesus hateten, prosesu aprendizajen, mos presiza hametin fiar nuudar profesor no Inan – Aman.
” Ami mesak labele eduka Iita-niaa oan sira. Ami presija Tebes, Inan – Aman sira hotu atu ajuda eduka oan sira nuudar future jerasaun foun ba nasaun ne’e, Ministra Edukasaun, Dulce de Jesus hateten.
Iha parte seluk, Sekretaria Rejional Edukasaun Rejiaun Adminitratiba Espesial Oe-Cusse Ambeno (RAEOA), Inasia Tamele hateten, tuir planu, ilnhas husi Sao Paulo Segunda sei vizita Parokia hotu.
Selebrasaun Missa abertura Anu Letivu 2025 ne’e, partisipasi husi Amo Paroqiua sira husi Oe-cusse, Amo Vigaria Ermera, Funsionariu sira, dirigente Edukasaun, professor sira no estudantes Ssra husi Ensinu Superior DITKREO, UNPAZ, Eskolas sekundara Geral Palaban, ETV Palaban, Baki, Leobeno, Aantu Antonio, Eskola Tekniku Agrikola sira no Ensino Baziku sira. (*)
