Reportajem : Jacinta Mendes
DILI (Lifaupress.com): Asosiasaun Jornalista Timor-lorosa’e (AJTL) fasilita formasaun ba jornalista Midia online sira na’in 14, durante loron rua iha Dili.
Formsasun ne’ebe realiza iha edifisiu AJTL Fatuhada, Dili, hahu loron Sabatu – Dominggu (6 – 7 Abril 2024) ho formador jormalista senior Cancio Ximenes “Cassimata” ne’e, ho objetivu au Eleva kapasidade tekniku hakerek notisia feature ba jornalista sira.
Prezidente AJTL, Zevonia Viera esplika, jornlaista nuudar transformador informasaun no edukasaun ba publiku, presiza iha kapasidade naton liuhusi maneira hakerek notisia, espesial notisia feature, hodi aprezenta notisia ne’ebe imteresante ba publiku.
“ AJTL konsiente ho problema minimu kunhesimentu husi ita-nia jornalista sira, atu hakerek notisia feature. Tanba nee, AJTL fasilita formasaun ne’e, maske tempu badak, maibe espera sai netik bukae ida ba jornalista iha sira-nia tividade jornalistika lorloron,” Zevonia hatene.
Prezidente AJTL hatutan, liberdade imprensa nia objetivu atu hasa’e kualidade Demokrasia. Nune’e, jornalista liuhusi media idaidak, presiza iha kapasidade produz notisia ho diversidade konteudu no fontes oioin, hodi haforsa no apoia sudadaun sira, hodi foti papel hametin sosiedade ne’ebe siviku.
Iha parte seluk, formador Cancio Ximenes “Cassimata” hateten, ema jeral jornalista timoroan sira kunhese ona xave notisia no iha ona kapasidade hakerek straight news. Nune’e, presiza atu investe tan kunhesimentu konaba hakerek notisdia feature.
” Maioria jornalista iha Timor – leste seidauk komprende didi’ak oinsa hakerek notisia feature. “feature, nu’udar obra literaria Ida ne’ebe iha kbi’it sai hikas imagem ka figura imagem visual. Bainhira hakerek notisia tenki bazeia ba Xavi notisia 5w+1H, hodi hasa’e kuaidade notisia, ” Cancio hateten. (*)
