Reportajen: Mariano Do Santos Abi/Jacinta Mendes
DILI (lifaupress.com) – Sekretáriu de Estado de Kooperativa (SECoop) realiza enkontru armonizasaun ho parseiru dezenvolvimentu sira iha setor kooperativa Timor-Leste (TL) , Kinta-feira (11/4/2024) iha Suai Room Timor Plaza, Dili.
Liuhusi enkontru ne’e, enkoraza parseiru kontribui hanoin ba programasaun mandatu IX Governu nian, hodi hasa’e ekonómia iha uma kain sira liuhusi kooperativa.
“Iha enkontru ne’e, ami konvida parseiru sira no sira ne’ebé maka iha interese ba iha programa SECooP, relasiona ho kresimentu iha rai laran, liu-liu komunidade sira iha área rural ho remota sira,” Sekretariu Estadu Koopertiva dehan.
Iha enkontru ne’e, mos introduz Planu Estratejia tinan 5 husi SEcoop. Tanba parseiru sira atu fasilita benefisiariu direta, nune’e presiza harmonia hanoin ba atividade ekonomia sira iha área rural, tanaba nuudar setor importante ba kresimentu.
Timor-leste atualmente iha kooperativa 219 kooperativa iha Timor-Leste. Nune’e presiza ,servisu harmonia ho parseiru sira atu evita overthinking, atu iha balansu ba alvu, labele tau-hamutuk atividade agrikula ka enonomia dupla iha fatin ida de’it.
Iha fatin hanesan, Joni Barreto, husi Lojistik Officer Nasaun Unidas World Food Programme (WFP, Sigla inglés) nuudar parseiru lnternasional, hatutan, enkontru ne’e nuudar pasu importante ba future kooperasaun ho SECoop.
WFP koopera iha área akrikurtura, foka liu ba sorum-kayrala. “ Ami sei hare servisu hamutuk oinsa? Atu bele hakbesik ba iha agrikurtor sira, hare produsaun surum-Kayrala. Ami agradese tanba bele loke parseiru hodi suporta SECoop nia atividade ,” nia dehan.
Parseiru ne’ebé maka partisipa iha enkontru mahusi WFP, Care Internasional, COICA, JAICA, Embaixada nasaun belun sira no mós kooperativa balun. (*)
