Reportajen: Natalia De Jesus
DILI (lifaupress): Autoridade protesaun civil (APC) , liuhusi Sekertariu Relasiona Externa no komunikasaun ( GREP-APC), Estadu Joao De Souza Filipe, informa, durante semana kotuk, Xefi Familia 23 mak sai vitima husi dezastre Naturais ho tipu dezaster ne’ebe la hanesan.
Vitima sira ne’e, rejistu husi akontesimentu dezastre Naturais ho tipu dezaster ne’ebe la hanesan, hahu loron 17- 23 Junho 2024. Maske nune’e, situasaun klima iha Timor-Leste normal.
Nia dehan, tuir dadus ne’ebe ekipa halibur husi terenu, numero uma estragos hamutuk 19 no numero afeitados 100 ihamunisipiu. Iha Atauru, anin sobu Uma 1, munisipio Ainaro ahi sunu uma 1, Baucau anin sobou uma 4 no ahi sunu uma 1.
Entretantu iha munisipio Covalima, rai halai iha fatin tolu, ahi sunu uma (3). Iha munisipio Ermera, anin sobu uma 1 no Ahi sunu uma 1. Iha RAEOA ahi sunu uma 1 no anin sobu uma 1. Ikusliu iha munisipio Viqueque, anin sobu uma 6 no rai halai iha fatin 1.
Atu hakman faimilia sira-nia susar, Komando APC ho parseru relevante sira, fornese asistensia emerjensia ba familia efeitadu sira. (*)
