Reportajen: Osterlia Muni/ Angelina D.F. Cau.
TUMIN-(Lifaupress): Xefi Suku Bobometo, Jose Labi Caet hatete, Suku Bobometo, Sub Rejiaun Oe-silo preparadu atu selebra loron Proklamasaun Independensia ba dala 50. Preparasaun ne’e hahu husi forma Komisaun Organizadora.
“Ba atividade isar bandeira ne’e, involve mos estudante UNTL ne’ebe halo hela estajiu kuaze fulan rua ona iha Suku Bobometo. Sira ajuda prepara atividade sira iha ha’u-nia suku, inklui prepara serimonia isar Bendera iha sede suku Tumin, Oe – silo, RAEOA,” Xefe Suku Bobometo, Jose Labi Caet esplika ba jornalista online www.lifaupress.com iha nia servisu fatin, Kuarta-feira (26/11/2025).
Ba serimonia Isar Bendera hodi selebra aniversariu Proklamsaun Independensia ba dala 50, ne’ebe sei monu iha loron 28 Novembro 2025, konsentra iha Eskola Bazika Senral 9 de Setembru BobMano Tumin.
Husu kona-ba mobilizasaun populasaun atu partisipa serimonia isar bandera, Jos eLabi Caet dehan, “ Xefi Aldeia sira hotu iha aldeia 9, mak mobiliza populasaun sira atu partisipa. Antes ne’e, ami enkontru hamutuk no desidi atu Xefe aldeia sira fo hatene nia populasaun sira, hodi partisipa serimonia isar bender iha loron 28 Novembr 2025,” nia dehan tan.
Atividade jogu komunitaria, dia informa, kompostu husi halai maraton, halai karon no tata berliduns. Tuir loos, iha ona planu atu iha joga bola voly hodi anima povu, maibe komu Governu tarde aprova orsamentu, mak la konsege realiza jogo desportivu. Orsamentu ne’ebe alokadu husi Governu ba atividade sira iha suku hamutuk osan $1.000.
“Hourseik ami simu osan husi Diretor Financas estatal, ohin hau bolu Xefi Aldeia atu koloka orsamentu ba atividade sira ne’e,” nia dehan tan.
Tinan ida-ne’e, primeira vez iha RAEOA implementa serimonia isar bendera ba aniversariu Proklamasaun Independensia iha kada suku. Tinan sira antes, serimonia ne’e konsentra iha kapitan Pante Makasar, capital Oecusse. “ Ha’u sujere tinan oin, suku idak-idak hala’o atividade diakliu tan tinan ida – ne’e,” Xefe Suku dehan tan.
Xefe Suku rekuñese senti kontenti ho selebrasaun isar bendera tinan ne’e, tanba suku idaidak selebra iha nia suku rasik. “ Estrada mos di’akloos, halo populasaun sira movimentu mai partisipa serimonia isa Bandeira mos seguru. Tanba estrada la aat, hanesan tinan sira antes,” Jose Labi Caet dehan.
Alende husu populasaun sira husi aldeia 9 partisipa serimonia isar bendera, suku Bobometo mos prepara ema na’in 20 reprezenta suku Bobometo partisipa serimonia hanesan nivel rejional iha sidade OePante Makasar Oe-cusse.
Atualmente suku Bobometo nia luan 206 metru kuadradu, naruk 274 metru kuadradu ho total populasaun 10.272, total uma Kain 2.488, total eskola 11, total klinika 1 no Postu saude 1. (*)
