Reportajen : Virginia Maya
DILI (lifaupress) : Estudante saúde ne’ebe partisipa Formasaun moras lepra no inkluzaun Difisiensia, vizita Organizasaun Defisiensia sira fasilita husi Asosiasaun Ema Afeita Lepra Timor Leste – AEAL-TL.
Iha fatin ne’e, estudante sira simu husi Directora AHISAUN. Iha okaziaun ne’e, estudante sira rona kona-ba istoria estabelese AHISUN, ema ho Defisiénsia sira ne’ebe hamahan iha Fundasaun AHISAUN no rona mos esolikasaun kona-ba servisu Radiu Komunidade Defisiensia Timor-Leste (RKDTL) hodi dizamina informasaun ba asuntu Ema ho Defisiénsia.
Liuhusi atividade nee, estudante saude sira hasa’e konhesemento kona – ba servisu atendimentu Organizasaun Defisiénsia sira, hodi tau matan ba Ema ho Defisiénsia iha Timor Leste. Formasaun nee financia husi Timor-Leste Disability Association no Partnership for Human Development Australia Timor-Leste. (*)
