Reportajen : Celcia Magno
VENILALE (lifaupress) : Xefe Postu Administrativu Venilale, Jose Freitas Boavida nudar Prezidente Komisaun Organizadora ho funsionariu Postu Venilale, sei dada banderola hale’u areadores Postu sira no Kampu ichar Bandeira, atu prepara ba selebrasaun aniversariu ba dala 22, loron restaurasaun Independensia, ne’ebe sei monu iha loron 20 Maiu 2024.
Kada loron Sesta -feira funsionariu Sira hotu halo limpeza jeral hale’u Kampu ichar bandeira, fatin VIP, pinta Parede haleu moru iha postu no iha mos estrada ibun merkadu Venilale nia oin.
.Prezidente Komisaun Organizadora, Jose Freitas Boavida esplika ida – ne’e ba jornalista online www.lifaupress.com iha Campu ichar Bandeira, Sexta – feira (10/05/2024) tuku 11.00 OTL.
Liuhusi limpeza jeral hale’u Kampu no merkadu ne’e, kria ambiente moos no saudavel hodi iha ambiente selebrasaun ba loron istoriku aniversariu restaurasaun Independensia tinan ne’e.
Entretantu funsionariu Postu administrativu Venilale, Octavio de Sousa Belo hateten, atividade limpeza jeral ne’e importante, atu kontribui ba ambinte moos no saudavel,.
Kada Loron, Autoridade lokal Liuhusi Edukasaun, policia Eskuadra Venilale, Postu Venilale no estudante sira prepara aan maximu, inklui treinu grupu Isar bendera. (*)
Lensa foto atividade preparasaun Aniversário Restaurasaun Independência ba dala 22
