Reportagen : Florentina Bianco da Cruz
Oe-cusse (Lifaupress): Negosiu Salon iha Oe-cusse mos buras loron ba loron. Salon Nekaf Mese, nu’udar negosiu ida ne’ebe harii desde 2024, ohin-loron sai ona Salon favorite mos iha rai enclave ne’e.
Jestora Salon Nekaf Mese, Lorensia Colo, ba jornalista sira iha Palaban, Pante Makasar, Oe-cusse RAEOA, Kuarta –feira (25/09/2025) hateten, objetivu harii Salon ne’e atu ajuda joven ne’ebe la kontinua nia estudu, hetan servisu hodi ajuda ekonomia família.
” Ha’u nu’udar feto ida, hakarak loke Salon ida – nee atu ajuda ha’u – nia maluk Feto no mane sira ne’ebé Inan – aman la iha kbiit, hetan netik osan hodi kontinua sira nia estudu, ha’u fó formasaun oinsá atu tesi mane nia fuuk no Tesi Feto nia fuuk” nia dehan.
Molok fo servisu, Lorensia fo uluk formasaun ba joven sira kona-ba teknika hadia fuku no seluk tan, “ nia dehan tan.
Dalaruma ema dehan loke Salon ne’e la di’ak. “ Maibé ha’u nafatin konsistente ho prinsipiu harii Salon hodi ajuda ema barak, inklui klienti sira.
Iha salon ne’e, folin ba tesi fuk mane $ 2 dolar no feto $ 5 dolar. Kliente ne’ebe vizita Salon ne’e variativu. Bainhira kliente barakliu iha loron boot no rendimentu bele to’o $ 30 loron ida. Kona-ba signifikasaun husi liafuan “Mekaf Mese” nia dehan, Neon ida laran ida.
Iha Salon ne’e fo servisu ba ema na’in lima (5), kompostu husi feto na’in tolu (3) no mane na’in rua (2). Loron ida hetan rendimentu kuaze $ 10 dalar ba leten. Osan ne’ebe hetan rai hamutuk no to’o tinan ida, ema ida hetan $ 400 dolar. Osan balun uza ba nesésidade Salon.
“Ami – nia osan ami la fahe. Ami tau hamutuk hodi fo ba ema impresta ho nia funan 10 %. Iha fulan Agusto nia laran, ema impresta ami – nia osan no fó fila ho nia funan hamutuk $ 4,000 dolar,” nia informea.
Salon ne’e mos hetan ona apoiu husi Governu, liu-hosi SEFOPE ho osan montante $ 4,150 dolares hodi sosa ekipamentus Salon.
Kona-ba dezafiu, nia dehan, membru sira foin aprende tesi fuk dalaruma seidauk hatene tesi tuir modernu ne’ebe kliente sira hakarak. Maibe, servisu na’in sira esforsu nafatin, la’o neneik to di’ak. Tanba husi dezafiu mak aprende liu tan sai di’ak.**
