Reportazen: Jerino F B P Bere/Damiano D C Oni
Oe-Cusse(lifaupress) : Assosiasaun Radiu Komunidade Timor-Leste (ARKTL) realza Seminariu ho Tema “Foin sae No Transformasaun Dijital Iha Timor-leste Entre Oportunidade No Ameasas” iha salaun Nidela Pante Macassar, Oe-cusse, Kuarta – feira (10/09/2025), hodi sensibiliza joventude sira kona-ba utilizasaun teknolojia Dijital ho di’ak.
Presidente ARKTL, Prezadio Ximenes hateten, seminariu nee nuudar oportunidade ba foin-sae sira atu amenta koñesimentu mundu dijital no iha kapasidade atu utiliza hakle’an siensia no hala’o atividade ekonómia uza plataformadijital.
“Ohin-loron, mundu nee iha ona era globalizasaun teknolojia informasaun. Kuaze ema hotu iha mundu konese ona imformsaun digital ne’e, no rekunhese mos nudar opurtunidade ameasas boot tebes ba karater moris, liuliu ba foin-sa’e sira,” Prezidente ARKTL, Prezadio Ximenes hateten.
Nia mos rekoñese, joventude atualmente moris iha era dijital, la hanesan joven sira tempu uluk. “ Se mak la koñese plataforma dijital, nia sei iha kotuk. Se mak domina servisu teknolojia dijital, nia mak apar ho sistema global ba dezemvolvimentu iha mundu, “ nia dehan tan.
Maibe, presiza mos atensaun ba frakeza dijital, liuliu informasaun sira ne’ebe espalla liuhusi Plataforma ne’e, iha mos informasaun falsu no diskursu odiu, ne’ebe bainhira la kuidadu bele lori konsekuensia legal no fizika.
“ Tinan liuba, joven balun hetan informasaun husi internet kona-ba opurtunidade servisu iha rai liur (estrajeiru -read). Maibe to’o iha ne’eba, iha fali grupu balun uza hela sira sai vitima. To’o agora, sira – nia Inan – aman buka sira nia paradeiru la hetan. Ne’e tanba joven sira ne’e fiar loos de’it informasaun opurtunodade servisu liuhusi internet, sem iha kkoñesimentu kle’an kona-ba informasaun ne’e iha Plataforma dijital,” nia informa.
Entretantu Jelia B. E. Sufa, estudante husi Eskola Kafe Pante Makasar, sente kontenti tebes tamba hetan oportunidade aumenta nia koñesimentu ba teknolojia dijital.
“Ha’u sente kontenti tebes, tamba iha oportunidade atu aumenta ha’u – nia koñesimentu no abilidade kona – ba teknolojia dijital. Liuhusi programa nee, mos hasa’e ami – nia kapasidade ba ami foin sa’e liuliu kona – ba dijitalizasaun no A.I (Artifisial intelejensia),” Jelia B. E. Sufa hateten.
Iha okaziaun ne’e, Prezidente ARKTL mos agradese tebes, tamba autoridade RAEOA kontribui ba susesu programa nee.
Seminariu ne’e partisipa husi reprezentante Sekoms, Diretor Radio Komunidade Rai-Husar Aileu, Radiu Komunidade Café Ermera, Radiu Komunidade Atoni Lifau, estudanteUnivesidade Da Paz klasse normal RAEOA, DIT RAEOA,estudante Eskola Sekundariu Jeral no estudante Tekniku Vokasional Palaban. (*)
ORADOR : Orasdor sira iha seminariu loron ida ho Tema “Foin sae No Transformasaun Dijital Iha Timor-leste Entre Oportunidade No Ameasas”, Kuarta -feira (10/9/2025) iha Palaban, Pante Makasar, Oe – cusse. Foto LP/Jerino
