Reportajen : Martins
DILI (lifaupress.com) : Lixu oioin kontinua namkari iha Ai-Mutin Suku Comoro, kapital Dili, ameasa saude publiku. Atu prevene lixu ne’e, presiza komunidade sira nia konsiensia no governu nia servisu kombate lixu, atu bok aan lalais hamoos tiha lixu sira ne’e..
Tuir observasaun jornalista www.lifaupress.com, Domingu to’o Segunda (14 -15 Abril 2024) iha terenu, lixu fatin ne’ebe estadu konstrui, difikulta komunidade sira soe fo’ér, tanba lixu fatin medida ki’ik no at ba bebeik.
Problema seluk, mak bainhira bee nalihun iha area fatin lixu, labarik sira uza hodi halimar. Situasaun ne’e, risku ba labarik sira-nia saude.
Sorin seluk, komunidade sira rasik mos la konsiensia hodi so’e foer no kontrola labarik sira ne’ebe ho idade ki’ik halimar iha lixu fatin liu liu iha tempu udan. (*)
