Reportajen : Jacinta Mendes Gonçalves
Dili ( Lifaupress) : Prezidenti Republika, José Ramos Horta simu karta kredensial husi Ambaixador Laureadu Novel da Paz nee’be reprezenta nasaun sanulu resin Rua (12),Kuarta feira (19/02/2025) iha palásio prezidensial Dili , kuaze tuku 09: 00 – 12:00 oras Timor leste
Prezidenti Republia, José Ramos Horta hato’o bemvindu ba embaixador sira ne’ebe mak foin akreditadu mai Timor leste no espresa ninia komprimisiu atu hametin relasaun bilateral ho nasaun ida idak
” Serimonia ohin nian ne’e aprezenta pasu importante iha viajen diplomática Timor leste,” Prezidente Horta hateten ba jornalista sira. Espansaun parseira diplomátika ne’e, opurtunidade foun ba kooperasaun bilateral ba nasaun joven hodi valoriza relasaun internasiona.
“ Relasaun Bilateral sira ne’e, ajuda hametin ami nia pozisaun iha komunidade global,enkuantu avansa ami – nia komprimisiu ba paz no prosperidade,” Prezidenti Horta dehan tan.
Importânsia iha kooperasaun internasional ne’e, mos hodi responde dezafiu global sira no avansu obetivu komum ba paz, seguransa no desenvolvimentu sustentável. I
ha biban ne’e, Ambaixador sira hato’o saudasoéns no dezeju di’ak husi sira – nia Xefe Estadu, afirma sira – nia dedikasaun atu haforsa liutan ligasun diplomátika iha Timor leste.
Serimonia kredensial ne’e reflete tan, liuhusi Timor – leste nia esforsu sira ne’ebe kontinua habelar ain fátin diplomátika no envolve ho komunidade internasional iha rejiaun oioin. (*)
