Reportajen : Celcia Magno
DILI (lifaupress) : Ministeriu Ensinu Superior Siensia no Kultura – MESSK, urjentemente presiza iha Lei Base ba Ensino Superior, hodi normaliza universidade no estabelese kapasidade iha Futuru.
Timor-leste iha ona Lei baze ba Edukasaun Numeru 14/2008 liga ba Ensino Baziku no Ensino Sekundariu. Maibe seidauk iha lei ba Ensino Superior.
Ministru Ensino Superior Ciencia no kultura , Jose Honorio hato’o Ida ne’e durante audensia iha plenaria Parlamnetu Nasional Dili, Tersa Feira (16/04/2024), tuku 10.0 OTL. “Presiza no urjente Lei ba Ensinu Superior, hodi hasae kapasidade liuhusi grau no formasaun sira,” Ministru Jose Honorio dehan.
Tuir observasaun, Ensinu Superior Publiku no privada sira, kada tinan esforsu maka’as atu akomoda formadu Ensinu Sekundariu sira husi terititoriu tomak, ne’ebe numeru atinji ema rihun ba rihun.
Kada Ensinu Superior simu estudante foun bazeia ba kapasidade. Maioria, formadu Ensinu Sekundariu perfere kontinua estuda iha Ensinu Superior Publiku, maibe labele akomula hotu tanba limitasaun infraestrutura. Konsekuensia, barak labele kontinua estudu ba fali Ensinu Superior Privadu sira, tanba tanba situasaun ekonomia iha famalia. (*)
