Reportajen: Jacinta Mendes Gonçalves
FATUMASE ( lifaupress) : Povu Postu Administrativa Bazartete, selebra ho ksolok Loron Proklamasaun Independensia Ba Dala 49, Kinta-feira (28/11/2024) iha Kampu suku Fatumasi, Bazartete, Munispiu Likisa.
Serimonia komemorasaun loron proklamasaun independensia 28 Novembru 2024, ne’ebe hahu tuku 10:30- 12:30 oras Timor Leste, prezidi direta husi Sekretáriu estadu pekuaria José Viera de Araújo.
Iha diskursu, Sekretáriu estadu pekuaria, José Viera de Araújo hateten, iha selebrasaun loron Proklamasaun Independensia ne’e,povu tomak to’o atuoridade husi suku to’o nasional, presta omenagen gratidaun ba luta libertasaun nasional.
Entretantu, Administrador Miguel dos Santos hateten, maske kememorasaun ne’e la marka prezensa Prezidenti Autoridade Likisa, povu husii suku 7 ho jestor sira, hamutuk ho autoridade Postu Administrativu organizadu selebra loron nasional importante nee.
Miguel dos Santos mos husu ba povu atu kontrinua unidu iha prosesu dezenvolvimentu nasional, liuliu hamutuk ho Nuno Governu Konstitusional.
Maske iha nivel altu iha mudansa governasaun, iha karakm kontinua koopera, atu prosesu dezenvo;vimentu nasional, liuliu iha Postu Administrativu Bazartete la’o di’ak nafatin.
Entretantu, Prezidente Komisaun Organizadora, Elizario Freitas hateten, atu fasilita povu partisipa serimonia ne’e, komisaun organizadora desloka kareta 2 ba kada suku atu tula populasaun .
Maske nune’e, ema ferik-katuas, no sira ne’ebe ho defisiensia labele partisipa komemorasaun loron Proklamasaun Independensia ba dala 49
Administrador Postu Bazartete, Miguel dos Santos kontente tebes no orgullu,tamba serimonia Ichara Bandeira la’o ho hakmatek mo susesu, tamba mos hetan seguransa maximu husi Komando Polísia Eskuadra PostuAdministrativu Bazartete, UPF no F-FDTL. (*)
