Reportagem: Odélia de Jesus dos Santos/Virginia Vidigal
HATUQUESSI (lifaupress): Postu Saude Hatuquessi iha aldeia Hatarlema, suku Hatuquessi, Postu Administrativu Liquica, munisipiu Liquica, atualmente hasoru problema instalasaun bee-moos sedauk di’ak.
Infermeira Postu Saude Hatuquessi, Serafina da Silva Freitas Belo inform aida-ne’e ba jornalista www.lifaupress.com, Segunda-feira (11/11/2024) iha servisu fatin. “ Ami – nia Postu Saude Hatuquessi hasoru hela problema instalasaun bee- moos mak sedauk diak,” Serafina hateten.
Nia dehan, konsekuensia hotu problema ne’e, servizu atende pasiente no familia ne’ebe akompanha ladun la’o di’ak. Afinal, haree ba realidade numeru pasienti sa’e kada loron,
Pasiente moras ISPA, tensaun no azma.“ Maske nune’e, ami iha nee ai-moruk kompletu. Babain kada fulan ami sempre foti relatoriu ba iha DHS. Kada fulan ami sempre foti ai – moruk iha ne’eba,” Infermeira Serafina dehan.
Enkuantu tuuir observasaun, pesoal saude sira, kontinua halo tratamentu ba pasiente sira, tuir ida-idak nia moras, atende ai-moruk ba pasiente sira ho di’ak, maske infrenta hela problema bee-moos. (*)
ENTREVISTA : Jornalista Lifaupress.com, Odélia de Jesus dos Santos entrevista Infermeira Postu Saude Hatuquessi, Serafina da Silva Freitas Belo, Segunda-feira (11/112024) ilha servisu fatin. Foto LP/Virginia.
