Reportagen: Osterlia Muni
DILI- (Lifaupress): Membru Unidade Espesial Polisia (UEP) Polísia Nasionál Timor-Leste (PNTL) na’un 604 simu promosaun deviza,Sesta feira (16/05/2025) iha Dili, tanba presta dedikasaun no dixiplina humanidade seriedade durante ezerse misaun.
Membru UEP na’in 604 ne’ebe simu promosaun deviza ne’e komposu husi Ofisiál Superiór na’in 16, Ofisiál Subalternu (224), Sargentu (167)no agende hamutuk na’in 197.
Komandante Jerál Polísia Nasionál Timor-Leste (PNTL), Komisariu Jerál Polisia, Henrique da Costa iha okaziaun ne’e hateten, promosaun tranzitoriu ne’e ho karakteristika extraordinariu.
“ Imi merese hetan promosaun deviza, nuudar rekuinesimentu bai mi-nia dedikasaun iha instituisaun Polísia Nasionál Timor-Leste. Durante tinan barak, imi la hetan promosaun diviza servisu hanesan Autoridade seguransa PNTL. Ho imi – nia pasensia no dedikasaun tomak, ohin loron imi hotu merese hetan promosaun tranzitoria ida – ne’e,” Komisariu Jeral Polisia Henrique da Costa reafirma.
Nia mos esplika, promosaun tranzitoria ne’e laos oportunidade maibe ne’e responsabilidade. Nune’e, membr PNTL hotu ne’ebe simu promosaun deviza tenke asegura nudar invidivdu idaiidak, ba povu no rai doben Timor-leste.
Entretantu Komandante Unidade Espesiál Polísia (UEP), Superintendente Polísia Dameo Corea dehan, promosaun tranzitoria nuudar onra no rekunhesimu husi PNTL.
“Promosaun tranzitoria ba membru Unidade Espesiál Polísia ne’e, nuudardireitu fundamental, fo rekuinesimentu ba kapasidade tekniku no tatika operasional. Ne’e extraordinariu durante tinan naruk nia laran,” nia hateten.
Dia mos reafirma, promosaun tranzitoria ho karakteristika esktra ordinariu ne’e, la’os premiu no previlezu.
“Ha’u husu ba Membru promovidu sira, ho aumenta deviza ne’e, presiza aumenta responsabilidade atu ezerse ita-nia funsaun ho profisionál ba ita-nia povu no ba ita-nia nasaun. (*)
