Reportajen: Ana Graciana Soares
DILI (lifaupress): Governu da-sia liu husi Ministru Desenvolvimentu Rural Habitação Comunitaria (MDRHC sigla portugés), Mariano Assanami Sabino Lopes, Sesta feira ( 21 juñu 2024), lansa deslokasaun funsionáriu sira sai nu’udar ajente transformsaun hafoun aldeia alvu sira. Lansamentu ne’e realiza iha Ministériu Dezenvolvimentu Rural Habitação Comunitaria Caicoli,Dili.
ORIENTA –-Ministru Desenvolvimentu Rural Habitação Comunitaria (MDRHCsigla portugés), Mariano Assanami Sabino Lopes, Sesta feira ( 21 juñu 2024) halo Hela orientasaun durante âmbito cerimônia lançamentoba funsiunariu destakadu ba Aleia Alvo sira. Foto Media Officer MDRHC
Ministeriu Dezenvolvimentu Rural Habitasaun Komunitariua ne’e ministeriu ne’ebe foun iha governu da-sia nian hodi foka direita ba iha alvu atividade area rural tamba ne’e ministeriu ne’e la mesak maibe halo kopersaun servisu integradu entre liña miniterais inklui setor relevante sira ho programa ne’ebé define no aprova ba tinan 2024 mak rebilitizasaun komunitaria.
Iha Entrevista, Vise Primeiru Ministru, Ministru Coordenador Asuntu Sosial no Ministru Dezenvolvimentu Rural Habitação Comunitaria, Mariano Assanami Sabino Lopes hateten, funsionáriu sira atu desloka ba aldeia sira ne’e forma abilidade ona, ohin lansa, atu sira ba ona aldeia alvu prinsipal ne’ebé idrntikadu ona.
“Ita ukun an to’o ona tinan 24 maibe iha Aldeia kbi’it laek kontinua sae, mal nutrisaun nafatin ás, kampu traballu la iha, produtividade la iha tamba ne’e ita esforsu atu nune’e sira ne’e tenke tun ona ba kampu hodi implementa programa dezenvolvimentu rural hahu husi aldeia,”Ministru Dezenvolvimentu Rural Habitação Comunitaria, Mariano Assanami esplika ba jornalista sira hafoin Lansamentu delokasaun funsionáriu ba aldeia iha Coby house Caicoli,Dili 21/06 .
ENTREGA – Ministru Desenvolvimentu Rural Habitação Comunitaria (MDRHCsigla portugés), Mariano Assanami Sabino Lopes, entrega documento oficial funsiunariu destacado ba Aldeia Alvo sira. Foto Media Officer MDRHC
Tuir Ministru Dezenvolvimentu Rural Habitação Comunitaria ne’e dehan, Funsionariu sira ne’e mak ba atu haforsa estrutura hodi servisu hamutuk ho xefe aldeia, xefe suku no funsionáriu sira ne’ebe iha aldeia maibe sira nia servisu alvu maka ba liu mal nutrisaun, ba moris kiak, oinsa kria kampu traballu no oinsa maka produtividade lao iha baze.
“Ita agrikultor ida labele sosa fali fos husi agrikultura ida, ita tenke muda, tamba ne’e mak sei iha kordenasaun servisu balun ne’ebé laos sira nian, setór saúde, edukasaun, servisu estatal, infrastrutura iha ne’eba maibe sira ba hare’e oinsa mak setór sira ne’e utíl ba komunidade sira,”dehan Eis Ministru agrikultura no peska.
Governante ne’e haktuir, funsionáriu sira ne’e kontratadu tempu sertu ba fulan neen no tuir mai ba tinan ida maibe direita ho nune’e ita sei husik atu nune’e servisu ne’e lao foin ita hare’e, servisu di’ak sira sei sai ajente permanente tamba servisu laos iha urbanu maibe iha rural.
“Husu ba funsionariu sira tenke iha vontade, Espiritu heroi tamba imi hamrik atu realiza mehi lutador sira nian, hahu ita ukun an nia dimensaun husi aldeia katak dimensaun sosial, dimensaun polítika, dimensaun kultural, dimensaun ekonómiku iha aldeia atu sira sente ukun an, la’os promesa maibe ne’e komprimisiu atu liberta povu husi kraik mai,” Vise Primeiru Ministru governu da-sia Konstitusionál nian ne’e informa.
Iha fatin hanesan Diretor Jéral diresaun jerál Dezenvolvimento Rural, Filipe Cardoso Vieira afirma, bazeia ba planu asaun anual ministeriu dezenvolvimentu rural habitasaun komunitaria ba iha orsamentu jeral estadu 2024, Ministeriu hetan aprovasaun orsamentu ho montante 3,5 milloens, kategoria transferensia públiku ne’ebé atu apoiu servisu dezenvolvimentu rural ba aldeia ne’ebe hetan aprova, dadaun ne’e aldeia 70 husi Munisipiu 8, postu Administrativu 20, suku 40 iha teritoriu Timor Leste.
“Rebilitizasaun komunitaria ne’e foka liu ba aldeia alvu 70 iha munisipiu walu, konsidera Aldeia alvu 70 ne’e iha orsamentu ratifikativu, ita halo ona diagnostiku no kontinua halo asaun anual no OJE 2024, programa ne’e hetan aprovasaun promulga ho nia orsamentu tamba ne’e ita hahu preparasaun ho peosesu rekrutamentu, fó formasaun hodi fo abilidade funsionáriu sira ne’ebé sei koloka ba aldeia alvu sira,”DJ DJDR Subliña.
DJ ne’e mos esplika, reabilitasaun komunitaria ne’e programa ne’ebé direita ba area rural no nia destinasaun ba aldeia alvu sira ne’ebé identifika ona iha tinan 2023, utiliza orsamentu ratifikativu halo ona diagnostiku katak aldeia sira ne’e iha potensialidade maibe kada aldeia potensial la hanesan, aldeia balun iha potensia peskas, hortikutura, balun pekuaria tamba ne’e funsionáriu sira ba atu dezenvolve no promove atu bele fo reseita no bele mós fó empregu ba komunidade sira iha area rurais.
“Forsa traballu ne’ebe ministeriu rekruta sei ba area rurais atu implementa programa ne’ebé ministeriu destinadu ba aldeia alvu ne’ebé aprovadu maka programa ne’ebé define iha planu asaun anual no orsamentu jéral estadu ba iha Ministériu Dezenvolvimentu Rural Habitação Comunitaria nian, liu-liu iha diresaun dezenvolvimentu rural maka programa vebitalizasaun komunitaria,” DJ Filipe relata.
Programa ida ne’e foka ba aldeia ho nia atividade sira mak oinsa atu promove potensialidade ne’ebé maka ejiste iha kada aldeia.
Funsionáriu destakadu ba aldeia alvu sira, hamutu 58 kompostu feto 20 no mane 38 ne’e seidauk sufisiente maibe sira maka faze da-uluk nia no sei iha tan faze tuir mai. Sira destaka ba iha munisipiu Bobonaro, Lautém, Baucau, Manatuto, Aianaro, Covalima no Manufahi. (*)
